VOV4.Xơ Đăng - Maluâ khu râ, kơvâ hnê hriâm ƀă hnê mơjiâng tuăn ngôa rơkê a kong pơlê, tơring hiăng đi đo pơtâng tối ‘na tơdroăng ki pơlông, heâk pơloi ing măng cho zalo, facebook, phôn râng kŏng, la tung pơla bu iâ hâi khế pơla hdrối kố nah, hên mâu thái cô a tơring Đăk Hà, kong pơlê Kon Tum hiăng tro hlôp, tro pơloăng, xua tro hên khu ki heâk pơloi pơlông, vâi châ tong xo lối 1 rơtal 300 rơtuh liăn.

VOV4.Xơ Đăng - Mơgêi Rôh hôp 27, pôa Vương Đình Huệ, Kăn xiâm hnê ngăn Kuô̆k hô̆i tối nhên, troh nôkố mâu hnoăng cheăng hbrâ rơnáu ăm Hneăng hôp má 6 hiăng klêi, hbrâ rơnáu ăm Hneăng hôp má 6.

VOV4.Xơ Đăng - Hâi lơ 17/10, pôa Võ Văn Thưởng, Kăn xiâm hnê ngăn tơnêi têa ƀă Khu râ kăn xiâm Việt Nam hiăng troh pơlê kong xiâm Bắc Kinh, Sinuâ, pơxiâm mâu tơdroăng pêi dêi Tơdroăng veăng Hôp tơpui tơno khu râ kăn xiâm tơrŭm lâp plâi tơnêi ‘’Troăng pakĭng ƀă Troăng kân’’ roh má pái sap ing hâi lơ 17 troh hâi lơ 20/10.

VOV4.Xơ Đăng - Kơxo lơ 17/10, a Tíu pêi cheăng Ƀơrô xiâm Đảng, jâ Trương Thị Mai, Kăn cheăng tung Khu xiâm kal kí, Kăn pơkuâ hnê mơhno má môi cheăng Đảng, Kăn pơkuâ tơdroăng cheăng tơnêi têa, tơdah Khu râ kăn teăng mâ cho kăn ƀô̆ kŏng đoân ki kơhnâ rơkê, teăng mâ ăm mâu tíu cheăng ối tung Khu lêng ngăn ‘na cheăng Đảng Tơnêi têa – Khu xiâm pơkuâ mô đô̆i.

VOV4.Xơ Đăng - Kơxê hâi lơ 16/10, a tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng ai rôh tơdah pôa Volodin, Kăn xiâm hnê ngăn Kuô̆k hô̆i râ má péa Rusi dế pôu pêi cheăng a Việt Nam.

VOV4.Xơ Đăng - Pôa Võ Văn Thưởng, Kăn xiâm hnê ngăn tơnêi têa pin pơkuâ djâ khu kăn xiâm Việt Nam lăm troh a Bắc Kinh, veăng hôp a Rôh hôp khu râ kăn xiâm tơrŭm cheăng lâp plâi tơnêi “Troăng ví ƀă Troăng prôk” rôh má pái sap ing hâi lơ 17 troh hâi lơ 20/10.

VOV4.Xơ Đăng - Kơxê hâi lơ 16/10, pôa Phạm Minh Chính, Ngế pro xiâm hnê ngăn tơnêi têa tơdah pôa Prak Sokhonn, Ngế cheăng tung khu kăn, Ngế xiâm tơpui kâ Tơnêi têa dêi Đảng Kuăn pơlê Kul ối pôu pêi cheăng a Việt Nam.

VOV4.Xơ Đăng - Sap ing on eăng dêi Đảng, Pôa Hồ troh ƀă kuăn pơlê mâu hdroâng kuăn ngo kong pơlê Kon Tum, 93 hơnăm hiăng hluâ mơngế Rơteăng, Bơhnéa, Jêh - Triêng, Jarai, Brâu, Rơ Măm ƀă Hrê a kong pơlê kố xuân môi hiâm mơno, môi klêa kliâm loi tơngah, hâk vâ Đảng. Tơdroăng ki nhên khât ăm hlo, vâ păn tơdroăng loi tơngah păng ‘nâng, krá tơniăn ƀă Đảng mê môi tiah kơxái prế djâ troăng đi đo, tơdroăng mơjiâng Đảng a kơpong hdroâng kuăn ngo kong pơlê Kon Tum đi đo châ mâu khu râ kăn pơkuâ hnê ngăn cheăng Đảng tơmâng khât má môi. Khoa Điềm, ngế chêh hlá tơbeăng ai ƀai chêh ‘’Mơjiâng Đảng a kơpong hdroâng kuăn ngo kong pơlê Kon Tum: Tối vâ kuăn pơlê hlê plĕng, pêi vâ kuăn pơlê loi tơngah’’.

VOV4.Xơ Đăng - Kơxo lơ 16/10, pôa Võ Văn Thưởng, Kăn xiâm hnê ngăn tơnêi têa hiăng tơdah Kăn xiâm hnê ngăn Kuô̆k hŏi tơnêi têa Rusi cho pôa Vyacheslav Viktorovich Volodin dế ối pôu pêi cheăng păng ‘nâng a Việt Nam.

VOV4.Xơ Đăng - Kơxo lơ 16/10, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng trâm mâ pơlê pơla khu tê mơdró mơ’no liăn cheăng a kong têa ê – Rơtế ƀă mơnhông rơtế Việt Nam.