VOV4.Xơ Đăng - Kơxo lơ 4/1, a Tíu pêi cheăng xiâm Đảng, pơkuâ po rôh hôp tơpui tơno ƀă mâu khu pơkuâ ngăn Đảng, 4 to ƀơrô cheăng, mâu Đảng ủy, kơ koan rêm râ a Tơnêi têa, jâ Trương Thị Mai, Ngế cheăng tung Khu xiâm pơkuâ tơdroăng kal kí, kăn pơkuâ ngăn Đảng, Ngế xiâm pơkuâ Khu tơrŭm Tơnêi têa pơkâ thế: Mơ-eăm pêi klêi tro mâu tơdroăng pơkâ, hnoăng cheăng hơnăm 2024 ing apoăng khế, apoăng hneăng, apoăng hơnăm, veăng kum kal tung tơdroăng ki pêi klêi mâu tơdroăng pơkâ, hnoăng cheăng Hneăng hôp 13 dêi Đảng.

VOV4.Xơ Đăng - Kơxo lơ 4/1, a Hà Nội, Kơ koan xiâm riân liăn ngân, tơmeăm khoăng tơnêi têa tơkŭm po Hneăng hôp pêi pro hnoăng cheăng ƀă tơdroăng pêi cheăng Đảng hơnăm 2024. Kăn cheăng tung Khu xiâm pơkuâ Đảng, Kăn xiâm phŏ hnê ngăn Kuô̆k hô̆i Nguyễn Đức Hải veăng ƀă xông tơpui hnê mơhno.

VOV4.Xơ Đăng - Kơxê hâi lơ 3/1, Ngế pro xiâm hnê ngăn tơnêi têa Phạm Minh Chính veăng leh mơgêi tơdroăng cheăng hơnăm 2023, tơbleăng pêi tơdroăng pơkâ hơnăm 2024 kơvâ pêi chiâk deăng ƀă mơnhông thôn pơlê.

VOV4.Xơ Đăng - Pơtối mâu tơdroăng pêi tung roh lăm pôu pêi cheăng a mâu kong pơlê peăng mâ hâi lo pá Hdroh tơnêi têa, kơxê 3/1, Kăn xiâm hnê ngăn Kuô̆k hô̆i Vương Đình Huệ ƀă khu râ kăn pêi cheăng hiăng trâm mâu khu cheăng pêi cheăng a tíu tê mơdró ngi kong têa ê Mộc Bài; veăng tơdroăng pêi rŭm môi tuăn khu lêng – kuăn pơlê koh phiu roh leh tơbâ 65 hơnăm hâi mơjiâng mô đô̆i gâk tơkăng kong (3/3/1959 – 3/3/2024); diâp kơxuô tơmeăm ăm 100 rơpŏng kơtiê, rơpŏng pá puât kơpong tơkăng kong dêi tơring Bến Cầu, Tây Ninh.

VOV4.Xơ Đăng - Kơxo lơ 3/1, Kŏng an kong pơlê Gia Lai tơkŭm po hneăng hôp mơgêi tơdroăng pêi cheăng hơnăm 2023, pêi pro tơdroăng cheăng hơnăm 2024. Hnoăng cheăng ki kal pơkâ hâi apoăng hơnăm 2024 cho rak tơniăn kring vế roh Têt Lo hơnăm nếo Giáp Thìn la ngiâ.

VOV4.Xơ Đăng - Pơtối rôh  lăm pôu pêi cheăng a mâu kong pơlê  Đông Nam Bộ drêng troh apoăng hơnăm nếo 2024, kơxo hâi lơ 3/1, Kăn xiâm hnê ngăn Kuô̆k hô̆i Vương Đình Huệ pêi cheăng ƀă Khu kăn Đảng kong pơlê Tây Ninh.

VOV4.Xơ Đăng - Kơxo lơ 3/1, Ngế pro xiâm hnê ngăn Chin phuh Phạm Minh Chính veăng hôp a Rôh hôp mơgêi hơnăm 2023 kơvâ Mơhno túa lĕm tro tơ’noăng ivá ƀă ôm hyô. Rôh hôp châ ‘no tơdrêng ing troăng hyôh internet troh a 63 to kong pơlê, pơlê kong kân tung lâp tơnêi têa.

VOV4.Xơ Đăng - Hơnăm 2023, lâp tơnêi têa ‘nâi ai 125 rôh tro hơ-ou kế kâ, pro lối 2,1 rơpâu ngế tro hơ-ou kế kâ ƀă 28 hlâ, ki rơhêng vâ tối hiăng ai tơdroăng ki tro hơ-ou xua clostridium botulinum”. Kố cho tơdroăng tơbleăng ăm ‘nâi a rôh hôp Khu hnê mơhno tơdjâk kơvâ cheăng Tơnêi têa ‘na tơniăn krúa kế kâ xua Ngế pro xiâm phŏ hnê ngăn tơnêi têa Trần Hồng Hà pơkuâ po a kơxo lơ 3/1, a Tíu pêi cheăng Chin phuh.

VOV4.Xơ Đăng - Tâng tối tơnêi rơlâm tơhnâp a kong pơlê Ihikawa ƀă kơpong achê kơpong tơdế kong têa Nhuk, pro lŭp hên, hlâ mơngế ƀă lŭp hên kế  tơmeăm, hâi lơ 2/1/2024 Ngế pro xiâm hnê ngăn tơnêi têa Phạm Minh Chính  hiăng pơtroh kơthô kơ-êng troh Ngế xiâm hnê ngăn kong têa Nhuk Kishida Fumio. 

VOV4.Xơ Đăng - Kơxê hâi lơ 2/1, a Hà Nội Vi ƀan ngăn kuăn ngo tơkŭm po Hôp mơ’no tơdrêng tiô troăng hyôh tung lâp tơnêi têa mơgêi tơdroăng cheăng pêi hơnăm 2023, tơbleăng tơdroăng cheăng pêi hơnăm 2024.