VOV4.Xơ Đăng - Péa ngế kăn xiâm hnê ngăn hiăng môi tuăn mơdêk tơrŭm cheăng pơla péa tơnêi têa mơnhông pơxúa, malối cho tung kơvâ cheăng kâ – tê mơdró ƀă ‘no liăn cheăng, mơ-eăm kô rĕng ăm kơxô̆ liăn pêi lo ing tê mơdró pơla péa pâ châ 10 rơtal USD.

VOV4.Xơ Đăng - Kơxo hâi lơ 7/8, pôa Vương Đình Huệ, Kăn xiâm hnê ngăn Kuô̆k hô̆i xuân hiăng ai roh trâm mâ pôa Wan Muhamad Noor Matha, Kăn xiâm pơkuâ Kuô̆k hô̆i râ má péa kong têa Siam.

VOV4.Xơ Đăng - A thôn 4, cheăm tơkăng kong Dak Buk So, tơring Tuy Đức, kong pơlê Dak Nông hiăng ai tơnêi tơhnah tơhnâp, pro pá ăm 21 rơpŏng kuăn pơlê. Khu râ kăn pơkuâ cheăm, khu cheăng dế thâ kơtâu xĕn tíu ê.

VOV4.Xơ Đăng - Kơpong hơngế hơngo má môi dêi kong pơlê Lâm Đồng, thôn 4, cheăm Phước Cát 2, tơring Cát Tiên ai tâi tâng kuăn pơlê cho hdroâng kuăn ngo. Ngoh Điểu K’Điệp, Kăn pơkuâ tơdroăng cheăng Măt trâ̆n thôn 4 hiăng pơtâng tối, hnê mơhnhôk kuăn pơlê xut tah lôi mâu khôi túa ki ôh tá lĕm tro, tơrŭm môi hiâm mơno mơnhông pêi cheăng kâ, rak vế khôi túa lĕm tro vâi krâ nah, mơjiâng tơdroăng rêh ối tơniăn ƀă chôa ‘lâng mơnhông tơtêk. Ƀai chêh a kơ’nâi kố ngin ai hơ’muăn tối ‘na K’Điệp, ngế đảng viên hơnăm ối nếo pro kông tơdjêp pơla Troăng pơkâ dêi Đảng troh hiâm mơno kuăn pơlê a kơpong hơngế hơngo Phước Cát 2.

VOV4.Xơ Đăng - Klêi kơ’nâi hên hơnăm yă kơphế ôh tá to kơnâ, thăm nếo chu rơpâ ó, la hơnăm kố, kuăn pơlê pêt kơphế a Tây Nguyên tâ ro iâ ‘na rơnó krí plâi la ngiâ, xua sap ing mơ’nui hơnăm 2022 troh nôkố, kơlo yă kơphế châ sap ing 45 rơpâu 1 ki lô tâk troh a 68 rơpâu 1 ki lô, po tơdroăng ki hơniâp ro tung rơnó krí kơphế la ngiâ. Tơdrêng ƀă tơdroăng “hơniâp ro” mê a mâu hngêi kơchơ, khu mơdró kâ ƀă kuăn pơlê ki pêt kơphế a Tây Nguyên ối hbrâ kô trâm tơdroang “hơniâp ro ki ton” ing tơdroăng thăm mơdêk pêi mơjiâng, rak ki kơnâ dêi ‘noăng kơphế, vâ khoh châ tơbriât mơ’no tê hên ‘noăng kơphế robusta Việt Nam.

VOV4.Xơ Đăng -  Kuăn pơlê thế séa ngăn mâu tơdroăng tối tơbleăng hdrối ăm ‘nâi drêng têa rơlêa, tơnêi tơhnâp, tơbleăng ăm mâu kăn ƀă mâu ngế ki ối rơtâ tá.

VOV4.Xơ Đăng -  Pôa Vương Đình Huệ, Kăn xiâm hnê ngăn Kuô̆k hô̆i ƀă mâu kăn Kuô̆k hô̆i, Kuô̆k hô̆i  râ má môi mâu kong têa tung Hô̆i đong Tơrŭm cheăng dêi mâu kong têa Đông Nam Á (AIPA) - 44.

VOV4.Xơ Đăng - A kong pơlê Dak Nông, nôkố ai 3 tíu ai tơhnah tơhnâp, rơheăng tơnêi râ ó.

VOV4.Xơ Đăng - Tung roh lăm pôu pêi cheăng kong têa Indonesia, kơxê lơ 6/8, pôa Vương Đình Huệ, Kăn xiâm hnê ngăn Kuô̆k hô̆i hiăng tơdah pôa Heru Budi Hartono, Kăn pơkuâ ki má môi pơlê kong xiâm Jakarta.

VOV4.Xơ Đăng - Peăng xêi hâi lơ 4/8, tung roh lăm pôu kong têa Indonesia, pôa Vương Đình Huệ, Kăn xiâm hnê ngăn Kuô̆k hô̆i hiăng trâm, tơpui tơno ƀă jâ Megawati Suekarnoputri, Kăn xiâm pơkuâ kong têa Indonesia hneăng hdrối, Kăn xiâm hnê ngăn đảng Yân chuh Indonesia.