VOV4.Xơ Đăng - Peăng xêi hâi lơ 22/12, a Hngêi pê cheăng dêi Chin phuh, Ngế pro xiâm hnê ngăn Chin phuh Phạm Minh Chính hiăng tơdah pôa Dautam Adani, Kăn xiâm Grup Adani, cho Grup ngăn ‘na pêi cheăng kâ ki kân má môi dêi Ấn Độ, ƀă kơxô̆ liăn ki mơdró kâ lối 200 rơtal USD, dế mơnhên ngăn vâ mơ’no liăn ai dâng 10 rơtal USD a Việt Nam tung 10 hơnăm la ngiâ.

VOV4.Xơ Đăng - Kơxê hâi lơ 22/12, a tíu pêi cheăng Chin phuh, Ngế pro xiâm phŏ hnê ngăn tơnêi têa Trần Hồng Hà pơkuâ hneăng hôp Hô̆i đong mơnhên ngăn Pơkâ kơpong Tơbăng kroăng Hồng pơla hơnăm 2021-2030, ngăn mâu tơdroăng vâ pêi ta troh hơnăm 2050.

VOV4.Xơ Đăng - Peăng xê hâi lơ 22/12, a tíu pêi cheăng Kŏng an kong pơlê Dak Nông, Khu xiâm ngăn Kŏng an tơkŭm po Leh tối tơbleăng Tơdroăng pơkâ dêi Khu xiâm ngăn Kong an ‘na hnoăng cheăng kăn ƀô̆.

VOV4.Xơ Đăng - Pơlê kong krâm Ƀuôn Hồ kong pơlê Dak Lak cho môi kơphô̆ ki nếo kro mơdrŏng ai hên púi vâ hiăng hlo mơnhông rơdêi. Pơkâ ƀă troăng ki vâ chiâng kơphô̆ túa má Pái hiăng châ kăn xiâm pơlê kong krâm tối a rôh trâm mâ drêng troh tơbâ 15 hơnăm mơjiâng xua Đảng ƀô̆, mâu kăn ƀă kuăn pơlê mâu hdroâng kuăn ngo tung pơlê kong krâm tơkŭm po a kơxo hâi lơ 22/12.

VOV4.Xơ Đăng - Tung mâu hâi phiu ro vâ troh hâi tĭng kân Pâ Xeăng chu chiâng mơngế hơnăm 2023, cho Măng tĭng kân Noel, ƀă hâk ro vâ lo hơnăm nếo 2024, pơla kố nah, Kăn xiâm hnê ngăn tơnêi têa Võ Văn Thưởng hiăng troh lăm pôu, rơkâu Ƀok xối kân pơkuâ ngăn Tíu xiâm ngăn ‘na tơdroăng khôp Pâ Xeăng khu kong pơlê Huế. Kăn xiâm hnê ngăn tơnêi têa púi vâ, ƀă hnoăng cheăng cho Ƀok ki xiâm pơkuâ ngăn tơdroăng khôp Pâ Xeăng khu kong pơlê Huế, ƀok xối kân Juse Nguyễn Chí Linh pơtối hnê tối, mơhnhôk thế kuăn pơlê - kuăn Khôp Pâ Xeăng pơtối rak vế tơdroăng ki lĕm koh nhoăm pâ Xeăng, mơjo pâ tơnêi têa.

VOV4.Xơ Đăng - Kơxo hâi lơ 22/12, Học viện An ninh nhân dân tơkŭm po leh mơgêi 30 hơnăm hnê râ pá pêng đăi hok ƀă tơdah xo Mê dái kring vế Tơnêi têa ối má Pai. Đăi tươ̆ng Tô Lâm, Ngế cheăng tung khu xiâm Kal kí, Ngế xiâm ngăn Kŏng an veăng leh ƀă tối tơbleăng.

VOV4.Xơ Đăng - Kơxo hâi lơ 22/12, Khu kăn pơkuâ hnê Đảng kong pơlê, Vi ƀan kong pơlê Dak Lak hiăng lăm pôu, rơkâu mâu hngêi khôp Pâ Xeăng tung kong pơlê drêng troh hâi tĭng kân Noel hơnăm 2023.

VOV4.Xơ Đăng - Hâi lơ 21/12, Ngế pro xiâm hnê ngăn Chin phuh Phạm Minh Chính pơkuâ Hneăng hôp lâp tơnêi têa mơnhên tơdroăng pêi pro Tơdroăng tơkêa bro mơjiâng tơdroăng kal ‘na kuăn pơlê rêh ối, mơnhên inâi ƀă mơnhên điê̆n tưh kum tung pơ’lêh xúa kŏng ngê̆.

VOV4.Xơ Đăng - Hâi lơ 21/12, Khu ngăn ‘na luât kong pơlê Dak Lak tơkŭm po hneăng hriâm tâp vâ hlê tơdroăng tối tơbleăng luât pơkâ tŏng kum ai tơdjâk kân troh tơdroăng rêh ối tung pơla chêh mâu hlá mơ-éa pơkâ tro tiô luât.

VOV4.Xơ Đăng -  Drêng troh leh tơbâ 79 hơnăm hâi mơjiâng Khu lêng kuăn pơlê Việt Nam, hâi lơ 21/12, Kăn xiâm phŏ hnê ngăn tơnêi têa Võ Thị Ánh Xuân hiăng lăm pôu ƀă hlối mơhnhôk hơlêm mâu lêng tơplâ dêi Sơn La.