VOV4.Xơ Đăng - Kơxê hâi lơ 31/7, Vi ƀan kong pơlê Dak Lak diâp pơkâ tăng thế, pôk pôa Nguyễn Minh Huấn, Ngế cheăng séa ngăn pro Ngế pơkuâ ngăn Tơmeăm khoăng ƀă hyôh kong prâi, têa, tơnêi ki nếo.

VOV. Xơ Đăng - Ƀă hnoăng cheăng cho kăn phŏ pơkuâ hnê ngăn Chi ƀô̆, kăn pơkuâ Ƀuôn Buôr, pôa Y Siêm Ƀkrông (hmâ kheăn cho Ama Tháp), ối a Ƀuôn Buôr, cheăm Hòa Xuân, pơlê kong kơdrâm Ƀuôn Ma Thuột, kong pơlê Dak Lak đi đo djâ troăng ahdrối tung rêm kơvâ cheăng, tơdroăng pêi cheăng a pơlê, châ kuăn pơlê hâk vâ, loi tơngah.

VOV4.Xơ Đăng - Pêi pro tiô tơdroăng pơkâ dêi Chin phuh ‘na pơcháu tơnêi, pơcháu kong, tơdroăng rêh ối dêi kuăn pơlê achê kong a kơpong Tây Nguyên ai tơ’nôm cheăng pêi, pêi lo liăn ngân tơniăn; kong xuân châ rak ngăn tơniăn tâ. Maluâ ti mê, a mâu cheăm, tơring, tơdroăng pơcháu kong châ pêi tá tro hâi tro mơngế, tro tơdroăng pơkâ, pro kong thăm rế tro mơngế tong ko ‘nhê, mơdâng pro hngêi ôh tá tro luât.

VOV.Xơ Đăng - Kơxo hâi lơ 31/7, pôa Phạm Minh Chính, Ngế pro xiâm hnê ngăn tơnêi têa pơkuâ Hôp mơơ’no tơdrêng tiô troăng hyôh tung lâp tơnêi têa tơbleăng pêi pro xing xoăng tíu pêi cheăng tơnêi têa râ tơring, râ cheăm pơla hơnăm 2023-2030.

VOV4.Xơ Đăng - Kơxo lơ 31/7, pôa Trần Lưu Quang, Ngế pro xiâm phŏ hnê ngăn Chin phuh hiăng troh séa ngăn tíu roh tơnêi tơhnah tơhnâp a văng Bảo Lộc ƀă pêi cheăng ƀă Vi ƀan kong pơlê Lâm Đồng.

VOV4. Xơ Đăng - Peăng xêi lơ 30/7, pôa Phạm Minh Chính, Ngế pro xiâm hnê ngăn tơnêi têa ƀă khu râ kăn Chin phuh pêi cheăng ƀă Khu pơkuâ Đảng ƀô̆ kong pơlê Bắc Ninh vâ mơnhên tơdroăng, tơdroăng châ tơƀrê mơnhông mơdêk cheăng kâ – rêh ối pơlê pơla a kong pơlê.

VOV4.Xơ Đăng - Ngế pro xiâm hnê ngăn Chin phuh nếo krếo phôn tơkŭm tơkâ luâ tơdroăng pá puât xua tơnêi tơhnâp a chuăn Bảo Lộc, kong pơlê Lâm Đồng ƀă hbrâ ví kong mêi kân mâu kong pơlê kơpong Tây Nguyên ƀă Peăng Hdroh.

VOV4.Xơ Đăng - Peăng xêi hâi lơ 27/7, pôa Võ Văn Thưởng, Kăn xiâm hnê ngăn tơnêi têa ƀă kơdrâi pôa rơtế ƀă mâu kăn xiâm Việt Nam hiăng trâm, tơpui tơno ƀă Ƀok Kadinal Pietro Parolin, xuân cho Di pro xiâm hnê ngăn Hngêi khôp xiâm Vatican.

VOV4.Xơ Đăng - Hâi lơ 28/7, Vi ƀan hnê ngăn kong pơlê Kon Tum tơkŭm po roh hôp séa mơnhên ki tơƀrê tung hơ’lêh túa chêh bro hlá mơ-eá, ‘mâi bro tơ’lêi hlâu vâ ăm khu mơdró mơ’no liăn cheăng mơdró kâ.

.VOV4.Xơ Đăng - Tung tơdroăng lăm pôu râ Kăn xiâm tơnêi têa troh Italia, drêng hiăng klêi hôp tơniăn lĕm dêi hneăng hôp tơpui tơno ƀă trâm mâ tơpui ƀă mâu kăn xiâm Italia, pôa Võ Văn Thưởng Kăn xiâm hnê ngăn tơnêi têa ƀă kơdrâi pôa hiăng veăng tơkŭm ôu kâ kân xua Kăn xiâm pơkuâ kong têa Italia ƀă kuăn kơdrâi pơkuâ.