VOV4.Xơ Đăng - Plâ 20 hơnăm hdrối, mâu rơxông thái cô hngêi trung phôh thong hnê kuăn ngo ai tíu kâ koi ối pơtê râ má péa tơring Lăk, pơlê kân Liên  Sơn, tơring Lăk, kong pơlê Dak Lak ôh tá xê to mâu thái cô tê ôh mê vâi ối môi tiah ngế pâ, ngế nôu, ngế pú hmâ ki má péa kum vâi o hok tro kuăn ngo kâi tơkâ luâ tơdroăng pá vâ châ hriâm hlê plĕng, chôa mơnhông khên tơnôu vâ hriâm rơkê ăm pơxúa xo ah hmôi.

VOV4.Xơ Đăng -  Hâi lơ 20/11, Kuô̆k hô̆i pơxiâm po hôp rôh má 2 dêi rôh hôp má 6 ƀă hên tơdroăng ki kal ai tơpui a hneăng hôp.

VOV4.Xơ Đăng - Kơxo hâi lơ 19/11 tiô chôu Việt Nam, Kăn xiâm hnê ngăn tơnêi têa Võ Văn Thưởng ƀă Kơdrâi pôa rơtế ƀă Khu kăn xiâm Việt Nma hiăng vêh troh a Hà Nội, mơgêi hneăng lăm hôp mâu Kăn xiâm Khu tơrŭm cheăng kâ châu Á - Thái Bình Dương (APEC) 2023 ƀă tơrŭm cheăng kâ pơla péa pâ a Mih.

VOV4.Xơ Đăng - Kơxo lơ 19/11, Ngế pro xiâm hnê ngăn tơnêi têa Phạm Minh Chính pêi cheăng ƀă Khu pơkuâ hnê mơhno cheăng Đảng kong pơlê Lai Châu ‘na tơdroăng pêi pro mâu hnoăng cheăng mơnhông cheăng kâ – rêh ối pơlê pơla sap apoăng hneăng hôp Đảng ƀô̆ kong pơlê roh má XIV troh nôkố ƀă pơkâ troăng prôk la ngiâ, hnoăng cheăng tung la ngiâ; tơleăng mâu tơdroăng pơkâ thế dêi kong pơlê.

VOV4.Xơ Đăng - Kơxê hâi lơ 17/11, Ngế pro xiâm hnê ngăn Chin phuh Phạm Minh Chính trâm mâ mâu thái cô ƀă mâu kăn ƀô̆ hnê hriâm ki rơkê hơnăm 2023 drêng troh Hâi Thái cô Việt Nam.

VOV4.Xơ Đăng - Hâi lơ 24/12/1958, Pôa Hồ vêh lăm pôu Hngêi trung lêng Quân khu 1. Pôa Hồ hnê pơchân: “Tâi tâng tung hngêi trung thế hnê tro lĕm, hriâm rơkê, tơrŭm môi tuăn  ƀă mâu kuăn pơlê rêm hdroâng kuăn ngo ƀă mơjiâng Hngêi trung chiâng môi to Hngêi trung lêng tiô túa”. Tiô Pôa Hồ hnê, 75 hơnăm hdrối, Hngêi trung lêng Quân khu 1 hiăng pêi hên tơdroăng cheăng tung hnê mơhno, hnê hriâm tơniăn cheăng lêng kring gak pơlê pơla pê klêi hnoăng cheăng pơcháu. Drêng troh leh tơbâ Hâi thái cô Việt Nam lơ 20/11, ngế chêh hlá tơbeăng dêi Rơ’jiu Việt Nam  ai ƀai chêh ‘na mâu thái cô ki xâp ếo ngiêt Hngêi trung lêng Quân Khu 1, tơring Phú Bình , kong pơlê Thái Nguyên.

VOV4.Xơ Đăng - A San Francisco, kong têa Mih, tung Hneăng hôp Măng tĭng khu râ kăn xiâm APEC hiăng po ai hneăng trâm mâ khu kăn xiâm tơrŭm prêi cheăng kâ Ấn Độ Dương - Thái Bình Dương xua ing tơdroăng vâ mơnhông kro mơdrŏng.

VOV4.Xơ Đăng -  Kơxê lơ 16/11, a pơlê kong kân Hồ Chí Minh, Ngế pro xiâm hnê ngăn Chin phuh Phạm Minh Chính veăng ai mâ a rôh pơxiâm po hneăng hriâm dêi Đạị học Quốc gia pơlê kong kân Hồ Chí Minh.

VOV4.Xơ Đăng - Kơxê lơ 16/11, a Hà Nội, Kơvâ ngăn Hdroâng kuăn ngo (VOV4) – Rơ’jiu Việt Nam tơkŭm po Leh tơbâ 30 hơnăm mơjiâng.

VOV4.Xơ Đăng -  Kơxê hâi lơ 16/11, a pơlê kong kơdrâm Kon Tum, Khu tơkŭm po Hâi leh mơhno túa lem tro, tơ’noăng ivá ƀă ôm hyô mâu hdroâng kuăn ngo kơpong Tây Nguyên rôh má 1, hơnăm 2023, tơkŭm po Hôp tối tơbleăng tơdroăng ‘na hâi leh .