VOV4.Xơ Đăng - Vi ƀan kong pơlê Lâm Đồng ƀă Kơ koan teăng mâ Việt Nam a Sydney, Australia, tơkŭm po tơdroăng séa ngăn Lâm Đồng vâ pro roh tơ'lêi hlâu ăm mâu khu tê mơdró dêi kong pơlê Lâm Đồng trâm mâ ƀă tơdjêp ƀă mâu khu tê mơdró dêi kong têa Australia.

VOV4.Xơ Đăng - Hên tơdroăng ki tô ôh tá châ tơƀrê tung mơ’no liăn cheăng ki tơnêi têa mơjiâng kơpong pêt mơjiâng tơmeăm pêi lo ing chiâk deăng ai mah kơpong pêt kum tung tê ngi kong têa ê, hiăng châ tối a Hneăng hôp má 5, Hô̆i đong kong pơlê Dak Lak hneăng má X, hneăng hơnăm 2021 – 2026.

VOV4.Xơ Đăng - Kơxo lơ 9/12, pôa Phạm Minh Chính, Ngế pro xiâm hnê ngăn Chin phuh ƀă Khu kăn xiâm Việt Nam veăng hôp a Rôh hôp khu râ kăn xiâm tơbâ 45 hơnăm tơrŭm cheăng ASEAN – EU a Bruxelles, Ƀih ƀă hôp a Luxembourg, Hà Lan ƀă kong têa Ƀih.

VOV4.Xơ Đăng - A hneăng hôp má 8, Hô̆i đong hnê ngăn kong pơlê Lâm Đồng hneăng 10, hơnăm 2021 – 2026 hiăng po rôh tâ phĭu pôk pôa Võ Ngọc Hiệp bro kăn phŏ hnê ngăn Vi ƀan kong pơlê Lâm Đồng.

VOV4.Xơ Đăng - Khu ki rak ngăn kơchơ mơdró kong pơlê Dak Lak kô thăm séa ngăn mâu kế tơmeăm ki kal xúa tung pơla hdrối tung ƀă klêi kơ’nâi Têt.

VOV4.Xơ Đăng - Hô̆i đong kong pơlê Dak Lak hneăng 10 pơxiâm po hôp roh má 5, rôh hôp mơ’nui hơnăm vâ tí tăng ngăn, tối tơdroăng hiăng pêi tơƀrê tiô tơdroăng pơkâ dêi Hô̆i đong hnê ngăn kong pơlê ‘na tơdroăng mơnhông cheăng kâ - rêh ối hơnăm 2022, pơkâ cheăng, troăng rơhlâ pêi hơnăm 2023.

VOV4.Xơ Đăng - ‘’Dak Lak kal ai kơmăi vâ thăm pêi pro tơdroăng séa ngăn, tiâ rơkong kơ-êng dêi kuăn pơlê’’. Kố cho pơkâ dêi pôa Phùng Khánh Tài, Kăn xiâm phŏ hnê ngăn Vi ƀan Măt trâ̆n tơnêi têa Việt Nam a hneăng hôp séa ngăn tơdroăng pêi cheăng măt trâ̆n hơnăm 2022 po a pơlê kong kơdrâm Ƀuôn Ma Thuột.

VOV4.Xơ Đăng - Kơxo lơ 8/12, a tơraih tơƀai Gia Lâm, Hà Nội tơkŭm po pơxiâm po mơđah tơbleăng cheăng lêng lâp plâi tơnêi 2022, veăng amê ai 30 kong têa lâp plâi tơnêi.

VOV4.Xơ Đăng - Kơxê lơ 7/12, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah Khu râ kăn teăng mâ cheăng lêng râ kăn xiâm kong têa Lếo xua pôa Chăn-xa-mỏn Chăn-nha-lạt, Ngế pro xiâm phŏ hnê ngăn Chin phuh, Ngế xiâm pơkuâ lêng dế ai roh lăm pôu ƀă veăng mơđah tơbleăng cheăng lêng lâp plâi tơnêi Việt Nam hơnăm 2022.

VOV4.Xơ Đăng - Kơxo lơ 7/12 a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa hiăng trâm mâ pôa Yemi Osinbajo, Kăn xiâm phŏ pơkuâ kong têa Niegieria dế lăm pôu Việt Nam.