VOV4.Sêdang - Y Saciên K[uôr, 29 hơnăm, hdroâng Rơđế, kot mâ [ă xông kân a pơlê Dhung, cheăm }ư\ Mgar, tơring }ư\ Mgar, kong pơlê Dak Lak. Kơnôm rơkê ple\ng hên nâl kong têa ê mê ngoh hiăng châ vâi krếo thế pro ngế ki tơplôu tơbleăng, tơpui pơchuât [ă ngế ki cheăng ăm tơdroăng cheăng dêi droh rơtăm lâp plâi tơnêi. Bu tung pơla 2 hơnăm, ngoh hiăng kơhnâ khât tung mâu tơdroăng cheăng a 11 to kong têa ối kơpong Đông Nam Á, Nhuk [ă Hàn Quốc. Nếo achê pơla kố, ngoh hiăng veăng châ êng mơnhên ‘na tơdroăng cheăng droh rơtăm xua vâ rak vế hyôh kong prâi, dêi Khu tơku\m cheăng Change [ă kơ koan mơnhông Khu lâp kong têa a Việt Nam.

Ki rơhêng vâ tối, ngoh Y Saciên K[uôr kô chiâng 1 tung 5 ngế hdroâng kuăn ngo ối kơpong peăng Hdroh kô châ trâm Chin phuh, tơpui tơno ‘na mâu tơdroăng cheăng dêi tơná ki veăng vâ kum kơhnâ khât ăm tơdroăng rak vế hyôh kong prâi tơniăn. Vâ kơ ’nâi tơ’nôm ‘na mâu tơdroăng cheăng dêi ngoh Y Saciên K[uôr, pó vâi krâ-nho\ng o kô tơmâng tơdroăng ki ngin ai êng a kơ’nâi kố:

-Ki ahdrối tâ, rơkâu kô ngoh hiăng châ rah xo cho 1 tung 5 ngế vâi rơtăm ki teăng mâ kơpong Peăng Hdroh la ngiâ kô châ trâm Chin phuh, tơpui tơno ‘na mâu tơdroăng cheăng ki veăng kơhnâ khât ăm tơdroăng rak vế hyôh kong prâi. Hiâm tuăn êh ngoh ai tơmiât ti lâi ‘na tơdroăng kố?

Y Saciên Kbuôr: Tung hâi ki tối pơtâng tơdroăng rah xo 1 tung 5 ngế rơtăm ki teăng mâ kơpong peăng Hdroh la ngiâ kô châ trâm tơpui tơno [ă Chin phuh á phiu ro ó khât. Pak^ng tơdroăng ki ro tiah mê á xuân tô tuăn la ngiâ kô chiâng pêi pro mâu tơdroăng ki ti lâi vâ khoh châ chiâng pêi pro tiô dêi tơdroăng pơkâ.

-Tiô tơdroăng hiăng châ ‘nâi, ki xiâm ngoh khoh chiâng rah xo tơdroăng vâ hôp kố xua ngoh ai pơkâ hnoăng cheăng ‘’Tơdroăng tơkêa bro djâ têa krúa troh a tơrêm thôn pơlê, kum tôh mâu deăng kơphế ăm hdroâng Rơđế a pơlê ngoh. Ki nhên dêi hnoăng cheăng mê ga ti lâi?

Y Saciên K[uôr: Á hlo tơdroăng tơkêa bro kố cho ai pơxúa khât ăm pơlê cheăm. Xua dế nôkố hyôh kong prâi rế hía rế tô, hên ngế ôh tá hlo, ôh tá ‘nâi dêi mâu tơdroăng ki tơná hiăng pro, mê khoh pro tơdjâk hên troh kong prâi, tơnêi tíu ga ti lâi. Tung mâu rơnó tô mơdrăng, ti xê to bê têa ê ôh pá ai kong ki vâ rak vế kơnho\ng têa, kuăn pơlê ôh tá ai têa vâ ôu hum roh jíu vâ tôh ăm loăng kơphế, vâ tôh prá alâi [ă hên mâu tơmeăm ki ê, tung mê, kơphế cho ki xiâm. Ti xê to [ă mâu ki pêt kơphế, pêt báu, prá alâi mê mâu ngế ki mơdró kâ ê xuân kal têa vâ pêi cheăng kâ. Tung tơdroăng tơkêa bro kố, rơhêng vâ pơtâng thế khu râ kăn pơkuâ, mâu kuăn pơlê rơtế veăng rak ngăn kơnho\ng têa, pêt kong a mâu tơnêi ngo l^ng, mơjiâng pro long, rơchôa têa ăm mâu rơpo\ng ki pêt kơphế ki ai têa vâ tôh a rơnó tô mơdrăng.

Y Sacien K[uôr tung Leh mơd^ng mơhno túa le\m tro [ă hnê hriâm lâp plâi tơnêi khu droh rơtăm hơnăm 2018 (IYECF) a Siem Reap, Kul

-Hyôh kong prâi cho tơdroăng cheăng lâp plâi tơnêi, cho môi ngế kuăn dêi Tây Nguyên, ngoh ai hlo tơdroăng tung kơpong ga ti lâi?

Y Saciên K[uôr: Cho khéa hơ’nêng ‘nâng! Dế nôkố, a Tây Nguyên ki hên ôh pá ai kong, hên kong ki hiăng tro ko ‘nhê. Tơdroăng kố cho ing tuăn mơno ôh pá tro ‘na loăng nhâ, kong kế, ngo ngối. Drêng hía kong, tơnêi tíu ki tro ko ’nhê kô xiâ têa, drêng kong mêi kân, ôh pá ai kong vâ rak têa, xua mê, khoh chiâng ai têa lân lu, rơlêa. Tơdrêng [ă tơdroăng mê, mâu tơdroăng ki mơjiâng hngêi kơmăi on tơhrik xuân pro tơ’nhê kong loăng nhâ, chiâ hrik prêi hmâng to lo vâ, pro tơ’noh, rơlâm tơnêi a rơhê, pro tơdjâk troh thông têa [ă tơdroăng rêh kâ ối dêi kuăn pơlê. Tâi tâng mâu tơdroăng ki ê pro pơxúa ing kong kế, ngo ngối, tơdroăng rêh ối dêi Tây Nguyên rế hía rế pá puât tâ’’.

-Cho môi ngế rơtăm Rơđế kot mâ tung pơlê cheăm dêi Tây Nguyên, vâ veăng châ hôp mâu tơdroăng cheăng kâ ti mê, ngoh hôm trâm tơdroăng klâi há?

Y Saciên K[uôr: Á hiăng hriâm hên nâl kong têa ê. Á tơmiât á ôh tá tơ’mô mâu vâi ki ê, hên pú hmâ ing kong têa vâi to mâu ngế ki rơkê, vâi tơ’lêi châ hriâm hên tơdroăng luâ tâ kơ á. Á xuân tô tuăn, la tơná á xuân loi tơngah dêi tơná, xua á hiăng hriâm chía hên mâu nâl tơpui Ănglê, Pơhlăng, Siam, Lếo [ă hía hế.

-Vâ khoh chiâng mơngế ki rơkê tơpui 4 to nâl kong têa ê ti mê, êh ngoh hiăng kơdo mơ-eăm hên tung tơdroăng mơhriâm hôm cho há?

Y Saciên K[uôr: Á hiăng hâk git [ă hriâm nâl Ănglê sap ing lâm 6. Mơgêi râ má 3, á lăm hriâm kơchuâ um a hngêi trung cao đẳng nghệ thuật Dak Lak. Xua tơdroăng rêh ối dêi nôu pâ á trâm hên xahpá ôh tá ai liăn ngân vâ pơtối hriâm kơchuâ um. Klêi kơ’nâi mơgêi hriâm, á pơtối hriâm nâl kong ê, xua mê á hiăng tơnoăng hnối mot hriâm nâl Ănglê a hngêi trung Đại học Tây Nguyên. Tơdroăng ki á hâk git cho ki xiâm vâ mơhnhôk thế á pơtối kơhnâ hriâm, á hiăng kơdo mơ-eăm hriâm, mơhriâm tơpui. Á bu hriâm to tung hngêi trung [ă tơnăng hriâm xêh; tí xê ôh tá tôh chôu mê á pá ‘na liăn ngân mê á ôh tá hriâm pá kong.

-Ti mê, pa k^ng tơdroăng hriâm a hngêi trung, hôm xê ing rơkê tơpui nâl kong ê mê ngoh khoh chiâng kâi vâ tơru\m cheăng [ă lâp plâi tơnêi?

Y Saciên K[uôr: Nâl kong ê cho ki xiâm kal khât tung tơdroăng rêh ối, pêi cheăng. Tá hâi teăm tối troh tơdroăng ki pin lăm troh a kong têa vâi, drêng pin lo hơngế iâ ing pơlê cheăm pin, pin athế chiâng tơpui nâl Xuăn mê nếo chiâng pêi dêi mâu tơdroăng ki tơná hiăng rah.Nâl kongê xuân môi tiah mê, tâng pin lo ing tơnêi têa troh a kong têa vâi ê, ing tơdroăng ki ‘nâi tơpui nâl kong têa ê kô kum pin hlê ple\ng tơ’nôm vâ tơpui tơno [ă pú hmâ lâp plâi tơnêi, tơ’lêi hlâu tung tơdroăng ki vâ tơtrâm, tơlôm, hlê ple\ng nhên ‘na mơhno túa le\m tro, tơdroăng rêh ối dêi mâu kong tếa ê, po rơdâ hên roh ki tơ’lêi tung la ngiâ.

Á xuân pơchân tối mâu vâi pú hơnăm ối nếo tung pơlê cheăm kal athế kơdo mơ-eăm hriâm, pôi tá tơmiât to tơdroăng pá puât tung hngêi rơpo\ng, pơlê cheăm, mê athế tăng troăng vâ kho\m kâi tơkâ luâ mâu tơdroăng xahpá, ing mâu tơdroăng pá puât mê pin kô châ chiâng hriâm hên tơdroăng tâ. Kơdo mơ-eăm vâ châ hriâm hên tơdroăng ki le\m tro, ai pơxúa ăm tơná pin [ă rơpo\ng hngêi.

-Hôm mơnê kơ ngoh Y Saciên K[uôr hiăng tơpui tơno [ă ngin. Rơkâu êh ngoh đi đo mo le\m châ, châ [lêi chiâng tung tơdroăng pói vâ dêi tơná tung la ngiâ.

H’Zawut Byă chêh

Nhat Lisa tơplôu [ă tơbleăng