VOV4.Sêdang - Klêi kơ’nâi mâu hâi ôh tá ai kuăn mơngế xua pơreăng Covid-19, Đà Lạt – Lâm Đồng hiăng pơxiâm hlo ai hên nếo kuăn mơngế tơmối ôm hyô vêh troh a pơlê kong kơdrâm kố vâ xah hêi rơnó hơngui, ối pơtê. Hiăng ai troh 15 rơpâu ngế tơmối ôm hyô chêh inâi ối pơtê, maluâ kơxo# tơmối bu [ăng 1/4 tâng vâ pơchông [ă rôh Têt Lo hơnăm nếo hơnăm nah, la cho tơdroăng ki ăm hlo phiu ro ăm kơvâ ôm hyô dêi Đà Lạt – Lâm Đồng.

Tơmố ôm hyô rơnó hơngui a Đà Lạt vêh hên nếo

Vâ kum tơdroăng ki xah hêi rơnó hơngui, ối pơtê ăm tơmối xuân môi tiah pêi pro tro hnoăng cheăng hbrâ mơdât pơreăng, Vi [an hnê ngăn pơlê kong kơdrâm Đà Lạt hiăng mơdêk [ă xing xoăng mâu khu ki gak ngăn a mâu tíu tơku\m hên tơmối ôm hyô, malối cho a mâu kong viên reăng, loăng ngiât [ă tâ tá long Xuân Hương vâ tối tơbleăng, hnê khe\n kuăn pơlê truâ kên pâng môh rơkong, pêi pro mâu troăng hơlâ hbrâ mơdât pơreăng tiô tơdroăng hnê tối dêi kơvâ ngăn pơkeăng.

Katarina Nga tơplôu [ă tơbleăng