VOV4.Sêdang - Sap ing hâi ai khu ko\ng an ki păng ‘nâng vêh troh a cheăm pêi hnoăng cheăng, mê tơdroăng rêh ối a tơring tơkăng kong Tuy Đức, kong pơlê Dak Nông hiăng châ kring vế tơniăn. Tơdrêng [ă tơdroăng mê, mâu khu pro xôi hiăng ôh pá ai, kum kuăn pơlê tơniăn tuăn vâ pêi cheăng kâ, mơnhông pêi lo kế tơmeăm, tơdroăng rêh ối hiăng chía tơniăn.

Pơkâ mơ’no cheăng re\ng, tơ-[rê, mê cho mơnhên tối dêi vâi krâ nho\ng o a mâu pơlê, cheăm Quảng Trực drêng tối troh tơdroăng ki mâu kăn [o# ko\ng an ki păng ‘nâng vêh pêi cheăng a cheăm tíu tơkăng kong kố. Nâ Thị Bơi, a pơlê Bu Prăng 1, cheăm Quảng Trực, tơring Tuy Đức, kong pơlê Dak Nông tối, tơdroăng ki loi tơngah a khu ko\ng an cheăm klêi kơ’nâi mâu tơdroăng cheăng dêi rơpo\ng hngêi tơná:

‘’Rơpo\ng á kơtăn kố 4 hâi ai môi ngế ki pou drôu gá râng chăng tối vâ mot tung hngêi ko hlâ nâ o rơpo\ng hngê á. Mê á krếo phôn ăm ko\ng an cheăm [ă khu ki pêi dêi hnoăng cheăng dêi mố đo#i gak tơkăng kong. Maluâ á ối hngế ing tíu xiâm cheăm, mê tá hâi châ 10 phut mâu vâi ngoh ki kố hiăng ai mâ tơdrêng. Ai kăn [o# ko\ng an troh akố mê tơdroăng ki gak kring chía tơniăn, tâng ai tơdroăng klâi mê mâu vâi ngoh ai mâ tơdrêng hlối’’.

Ko\ng an cheăm troh a hngêi kuăn pơlê vâ séa ngăn chêh ‘mot tơ’nôm inâi tung hlá mơ-éa

Pôa Điểu Drây, kăn pơkuâ pơlê Bu Prăng 1, ăm ‘nâi, vâi krâ hdroâng kuăn ngo a kơpong tơkăng kong hngế hngo kố hmâ ôh ti ai hlá mơ-éa khai sanh [ă hên mâu hlá mơ-éa ki ê hía. Kăn [o# ko\ng an cheăm hiăng troh a hngêi, hnê vâi krâ nho\ng o chêh tro, tu\m tơdroăng vâ xo ah hmôi pro theh căn cước kuăn pơlê.

‘’Drêng vâi krâ nho\ng o pro mê ai tơvâ tơvân klâi ‘lo mê êng mâu ngoh ko\ng an cheăm, mê mâu ngoh tối tơbleăng, hnê khe\n lăm ngăn vâi krâ nho\ng o ôh ti kal ki klâi, kal pro môi tiah lâi. Mâu ngoh ko\ng an cheăm vêh a cheăm mê á hlo tơ’lêi hlâu khât’’.

Kuăn pơlê hiăng pơcháu nâp 130 toăng pháu [ă vâ chê 700 to ‘mrâm pháu tu\m túa

            Tiô Đăi u\y Trần Văn Dũng, kăn pơkuâ Ko\ng an cheăm Quảng Trực, 6 ngế kăn [o# ko\ng an chính quy rêm ngế châ hnê môi kơvâ cheăng ki phá tơ-ê dêi pó, la drêng vêh a cheăm mâu ngoh hiăng hriâm [ối, to\ng kum dêi rơpó, vâ rêm ngế pơrá cheăng pêi tâi tâng mâu hnoăng cheăng a pơlê, cheăm. Rơtế [ă tơdroăng ki tí tăng ‘nâi ple\ng ăm râ Đảng khu pơkuâ tơring, cheăm rak vế gak kring tơniăn kơpong tơkăng kong, ko\ng an cheăm Quảng Trực hiăng mơjiâng ‘mâi mơnhông hên túa rak vế gak kring sap ing mâu pơlê, cheăm.

‘’Sap ing khế 3 hơnăm kố, ngin tơru\m [ă đoân viên droh rơtăm ko\ng an kong pơlê kum ăm vâi krâ nho\ng o 1 rơpâu to kho\a kring vế, tung mê ai chêh kơxo# phôn dêi kăn pơkuâ ko\ng an cheăm, pho\ pơkuâ ko\ng an cheăm [ă mâu kơxo# khu ki pêi cheăng ‘na ko\ng an tơring Tuy Đức vâ vâi krâ nho\ng o re\ng tơbleăng tơdroăng ki ai tơdjâk troh mâu ngế ki pro xôi. Pak^ng mê, ngin xuân tơru\m [ă mố đo#i gak tơkăng kong mơjiâng mâu khu rak ngăn xêh troăng tơkăng kong tơneăn hdró vâ rế veăng rak vế tíu tơkăng kong rế tơku\m mâu tíu ki hbrâ mơdât drêng ai mâu ngế pro xôi tung tơring. Mê ing mâu túa pơkâ môi tiah mê, mê hdrối kố nah ngin hiăng plâ ‘nhiê 2 rôh ki tong rơxế honda’’.

Ko\ng an mơhnhôk kuăn pơlê Quảng Trực rak vế kring gak tíu tơkăng kong

Tơdroăng cheăng tơ-[rê dêi khu lêng ko\ng an păng ‘nâng vêh a cheăm hiăng kum mơjiâng tíu kring vế, gak ngăn kuăn pơlê tơniăn a kơpong tíu tơkăng kong Quảng Trực, tíu ki ai troh 17 hdroâng kuăn ngo rêh ối tung [ăng tơnêi lối 60 rơpâu ha. Pôa Điều Plơu, kăn pho\ hnê ngăn Vi [an cheăm Quảng Trực, ăm ‘nâi:

‘’Quảng Trực cho cheăm tơkăng kong ki malối xahpá, malối cho troăng prôk lăm tơpá tung rơnó mêi, kuăn pơlê rêh ối tơprâ tơpru\ng, tơnêi tơníu kân rơdâ, mê hnoăng cheăng rak ngăn xuân xơpá. Tối ‘na mâu ko\ng an păng ‘nâng vêh a cheăm mê cho tơtro khât tung hnoăng cheăng pêi pro xuân môi tiah tí tăng ‘nâi ple\ng ăm khu râ Đảng, khu pơkuâ kong pơlê. Tung pơla achê kố á hlo cho tâng vâ pơchông [ă hdrối nah mê tơdroăng kal kí tung cheăm Quảng Trực hiăng tơniăn tâ, cheăm rế hía rế mơnhông’’.

Thươ\ng tă Nguyễn Sử, kăn pơkuâ Ko\ng an tơring Tuy Đức, ăm ‘nâi, pêi pro tơdroăng pơkâ dêi Khu xiâm ngăn ko\ng an, 1 hơnăm hdrối nah, tâi tâng 6 to cheăm tung tơring hiăng châ xing 41 ngế ko\ng an păng ‘nâng vêh pêi dêi hnoăng cheăng. Tơdroăng ki xiâm cho mâu rôh pro xôi tung 10 khế hơnăm kố hiăng kơdroh 27% tâng vâ pơchông [ă khế kố hơnăm hdrối. Tơdrêng amê khu ko\ng an hiăng mơhnhôk kuăn pơlê mơdrếo 130 toăng pháu ki vâi pro xêh rơtế [ă 700 ‘mrâm tu\m túa. Thươ\ng tă Nguyễn Sử, tối ki rơkê ple\ng tung rak vế gak kring kơpong tơkăng kong:

‘’{ai hriâm ki rơkê ple\ng cho pro tiah lâi châ mơhnhôk tâi tâng khu lêng [ă kuăn pơlê vâ mơjiâng môi tơdroăng ki gak kring kuăn pơlê krá tơniăn a kơpong tíu tơkăng kong. Akố mê ngin hiăng tối tơbleăng ăm kuăn pơlê ‘nâi mâu túa pơkâ tơmiât ‘mêi dêi mâu khu ki pro xôi xuân môi tiah mơhnhôk kuăn pơlê mơjiâng mâu tôh gak kring tơniăn vâ rơtế [ă khu lêng ko\ng an rak vế tơniăn.

‘’Malối cho a troăng tơkăng kong mê tung pơla hdrối kố nah ko\ng an chính pơkâ vêh a mâu cheăm kố hiăng pêi tro hnoăng cheăng tí tăng ‘nâi ple\ng ăm khu kăn Đảng, khu kăn pơkuâ kong pơlê mơhnhôk tá khu pơkuâ tơdroăng kal kí rak vế tơniăn a pơlê, cheăm; tung mê mâu vâi pú hiăng tơbleăng tơbleăng hnoăng cheăng, hiăng pêi tro hnoăng cheăng tơru\m [ă mâu đông mố đo#i gak tơkăng kong pêi pro pơtrui ngăn rak tơniăn a troăng tơkăng kong’’.

Tơdroăng ki ăm ko\ng an păng ‘nâng vêh pêi cheăng a mâu cheăm a tơring tơkăng kong Tuy Đức, kong pơlê Dak Nông, hiăng tối rơdêi ki tơ-[rê tung tơdroăng ki rak tơniăn tơdroăng kal kí, tơniăn tung lâp pơlê pơla. Khu ko\ng an păng ‘nâng pêi cheăng rơkê sap ing pơlê, cheăm hiăng châ xo tơdroăng ki loi tơngah dêi kuăn pơlê, veăng kum mơjiâng krá tơniăn tơdroăng ki gâk kring pơlê pơla kơpong tíu tơkăng kong.

            Minh Huệ chêh

Katarina Nga tơplôu [ă tơbleăng