VOV4.Sêdang - Kơxê lơ 17/12, [ă hnoăng cheăng kăn xiâm hnê ngăn ASEAN 2020, Khu xiâm ngăn cheăng pêi, mố đo#i rong, pơlê pơla tơru\m [ă Ho#i đong khu tơru\m mâu kong têa ASEAN tơku\m po Tơpui tơno Pơlê pơla ASEAN rôh má 11 pơxá ‘’Vêh mơjiâng môi ASEAN tơru\m [ă rơnáu trâm [ă mâu tơdroăng klêi kơ’nâi pơreăng kân Covid-19’’.

Veăng a rôh po hôp tơpui tơno ai mâu khu xiâm dêi Hneăng hôp khu kăn xiâm ASEAN ‘na Pêi cheăng, Khu kăn chêh tôm xo rơkong ASEAN, teăng mâ mâu khu tơru\m dêi mâu ngế pêi cheăng [ă mâu ngế ki xúa ngế pêi cheăng ASEAN. Tơpui tơno pơlê pơla pái pâ rêm hơnăm pơla mâu khu tơru\m pơlê pơla cho tơdroăng ki kal vâ mơjiâng [ă pêi pro mâu troăng hơlâ.

Pơxá ‘’vêh mơjiâng môi ASEAN tơru\m [ă rơnáu trâm mâu tơdroăng klêi kơ’nâi pơreăng kân Covid-19’’, mâu kăn ki veăng hôp tơpui tơno hiăng tơku\m tơpui tơno 2 tơdroăng ki xiâm, tung mê: Pơreăng Covid-19 [ă mâu tơdroăng ki tơdjâk troh tơdroăng cheăng; Vêh mơjiâng ASEAN tro tâ. Ngăn tung tơdroăng tơpui tơno, mâu rơkong pơka athế cho kơpong dêi tơpui tơno hiăng châ mơ’no vâ tơbleăng tơ’nôm mâu tơdroăng ki tơdjâk dêi Covid-19 lơ mâu tơdroăng pơreăng kân ki lâi ki ê mơni kô trâm tung la ngiâ.

Nga tơplôu [a\ tơbleăng