VOV4.Sêdang - Apoăng rơnó mêi, cho rơnó plâi kơphế ki kơbâng tơ’lêi tơruih, pro kơdroh kơdrum loăng plâi. Vâ kuăn pơlê [a\ pú hmâ ‘nâi ‘na túa hbrâ mơdât nôkố, tơdroăng hâi kố, ngin kơbông krếo vâi krâ tơmâng thak sih Mai Minh Tuấn, kăn pơkuâ [ơrô kih thuât, Tíu xiâm mơhnhôk pêi chiâk deăng kong pơlê Gia Lai hnê mơhno kih thua#t rak ngăn, hbrâ mơdât tơruih plâi.

Êng: Ô pôa, pơla kố, drêng kong mêi apoăng rơnó, plâi kơphê pơxiâm xông kân. Pôa ăm ‘nâi mâu kih thua#t rak ngăn ki vâ ăm loăng kơphế xông rơdêi tung pơla kố?

Pôa Mai Minh Tuấn: Pơxiâm troh rơnó mêi, tung tơdroăng rak ngăn loăng kơphế, ki hdrối pin kal ai mâu troăng hơlâ hbrâ mơdât ôa hdrong kâ ‘nhiê, klêi mê, pin kô tơvât tơ’nôm trếo kơhiâm. Nôkố pơxiâm mot tung rơnó mêi, hlo mâu ôa rơbông ro\ng, ôa ai xâk gá pâk hrik têa nheăn a tơxui plâi kơphế. Mơhé nôkố pin hlo hâi teăm hên, la pin thế xôh pơkeăng hdrối vâ hbrâ mơdât. Pơla kố, nếo hlo, plâi ối ku\n, tơxui plâi dế ăm hlo nhên, xôh a tơxui plâi gá tro tâ. Mâu túa pơkeăng môi tiah Anvil, Champions, Bordeaux [ă hía hé vâ xôh mơdât kơme#n khêi, tâng tung kơdrum ai ôa mê vâi krâ nho\ng o pin thế xôh mâu túa pơkeăng kơdê ôa Suprathion, Tron Plus… Klêi mê, vâi krâ nho\ng o pin thế choi phon tiu tơdroăng kal vâ trếo kơhiâm dêi loăng kơphế apoăng rơnó.

Êng: Pơla kố kơphế xuân dế xông rơdêi re\ng, kuăn pơlê dế tô tuăn ‘na tơdroăng plâi kơbâng tơruih. Pâ pôa ăm ‘nâi, ki xiâm khoh pro tơruih plâi kơbâng a loăng kơphế ga ti lâi?

Pôa Mai Minh Tuấn: Tơruih plâi kơphế ai 3 tơdroăng ki xiâm: tơruih plâi xua loăng, xua plâi kơ’muăn lối hên, má 2 cho xua kơme#n khêi kâ ‘nhiê, má 3 xua kong prai ôh tá tơniăn cho ki xiâm pro plâi kơbâng chiâng tơruih. Vâ pôi tá ai tơdroăng kố, vâi krâ nho\ng o thế tí tăng ‘nâi ple\ng ki xiâm dêi tơdroăng tơruih plâi lơ ti lâi. Tâng tơxui plâi ho\n, pin tro têng a tơxui plâi gá tơruih mê cho xua kơme#n khêi, plâi tơruih la tơxui ối krêa, ối krá mê cho xua kong prâi ôh tá tơniăn pro plâi chiâng tơruih.

Êng: Tơdroăng rơvât phon ăm loăng kơphế tung rơnó mêi thế pêi pro tiô mâu tơdroăng ki klâi vâ hbrâ ví plâi kơbâng tơruih, ô pôa?

Pôa Mai Minh Tuấn: Vâi krâ nho\ng o tơmiât hlo plâi tơruih ah djâ dêi phon Urê choi. Rế choi gá rế tơruih. Vâ tơkâ hluâ tơdroăng kố, vâi krâ nho\ng o thế xúa mâu túa phon pro mơ-u\m ing hdrái nhâ kơtôu kông hnông alâi ai mâu túa axit amin, gá le\m vâ pro ăm loăng plâi re\ng kân. Môi tiah Cầu vồng 5, ami-ami [ă hía hé.

Pak^ng mê, loăng kơphế ối kal calci rế hên, vâi krâ nho\ng o ối choi puâ, châ khât gá calci kố loăng tá hrik xo klâi ôh. Vâi krâ nho\ng o thế xúa mâu phon vi lượng [ă NPK ki ai hên calci hơ’lâk tơvât vâ mơjiâng pro trếo le\m, pro chiâng trếo ki kơtô tâ vâ mơdât plâi tơruih.

Pơla kố, vâi krâ nho\ng o thế tơ’nôm trếo kơhiâm ăm loăng kôphế tiô tơdroăng kal vâ dêi loăng kơphế a pơla plâi xông kân. Pơla kố, loăng kơphế kal ai 26% đăm, 32% lân, 31% kali tung tâi tâng kơxo# ki mê kal vâ tung 1 hơnăm. Vâi krâ nho\ng o kal thế tơtro\ng, rơvât tiô kô plâi hên lơ ôh dêi loăng kơphế. Mâu túa pêi dêi vâi tối ngăn tiô gá châ lơ ôh châ 3 ta#n. La châ khât, plâi kơphế tung kơdrum tâk troh 4 ta#n, 5 ta#n. Rêm ta#n tâk, mê tâk phon troh 20%. Pơtih loăng kơphế 1 hơnăm 3 ta#n kloăng kal 270 kilô đăm ôh tá tơvât, 100 kilô lân ôh tá tơvât [ă 240 ki lô kali ôh tá tơvât. Rêm ta#n tâk hên pin kal vâ tâk 20% phon rơvât.

Êng: Tiô pôa, túa rơvât phon môi tiah lâi, lơ túa phon ki lâi tơtro kum loăng kơphế tơdâng tơ’mô trếo kơhiâm, hbrâ mơdât ki tơruih plâi kơbâng?

Pôa Mai Minh Tuấn: Tâng pin ôh tá xúa môi túa phon mê thế xúa mâu túa phon ki 2-1-2. Mâu túa phon NPK ai chêh 16-8-16 lơ 16-7-7 cho ko\ng thưk phon ki ai 2-1-2 ‘na NPK. {ă tâng châ 4 ta#n troh 4 ta#n 5 mê vâi krâ nho\ng o thế rơvât 12 troh 14 kơxâk, rêm kơxâk 50 kilô mê nếo bê ăm loăng kơphế a pơla kố. Tâng ai tơ’nôm tơruih plâi kơbâng mê thế rôe tơ’nôm mâu phon sinh hok vâ xôh tơ’nôm mê gá kô teăm tơ’mot trếo kơhiâm.

Êng: Hôm mơnê kô thak sih!

Gương prếi A Sa Ly tơplôu [ă pơchuât