Khu tơkŭm po hiăng diâp 100 kơxuô tơmeăm ăm hok tro chó chêng tơvê kŏng dêi mâu tơring Ƀuôn Đôn, Krông Năng, Krông Ƀúk, Čư Mgar ƀă pơlê kong krâm Ƀuôn Hồ. Rêm kơxuô tơmeăm ai 2 rơtuh liăn mâ ƀă kơƀăn kĕo, têa tôu ro... Tâi tâng kơnâ mâu kơxuô tơmeăm lối 80 rơtuh liăn. A Tây Nguyên, Kơxô̆ liăn kơdĭng diâp ăm 400 kơxuô tơmeăm diâp ăm vâi hdrêng chó chêng tơvê kŏng a mâu kong pơlê Gia Lai, Kon Tum, Dak Nông ƀă Dak Lak.

Jâ Phạm Thị Chính, Kăn phŏ hnê ngăn Hô̆i đong pơkuâ Kơxô̆ liăn kơdĭng Gum vâi hdrêng chó chêng tơvê kŏng Việt Nam tối ăm ‘nâi, tơdroăng ‘’Gum vâi hdrêng chó chêng tơvê kŏng troh hngêi trung’’ cho môi tung 4 tơdroăng ki pêi cheăng dêi Khu pơkuâ kơxô̆ liăn kơdĭng vâ gum vâi hdrêng chó chêng tơvê kŏng châ mot rêh ối tung pơlê pơla, tơkâ hluâ tơdroăng châ chăn ôh tá mo lĕm môi tiah mơngế ki ê vâ mơ-eăm tung tơdroăng rêh ối.