Mâu tíu cheăng pro nhŏng o tơmâng tŏng gum kuăn pơlê xăm kơklêa kơdroh kơtiê, ƀă troăng pêi tŏng kum loăng plâi, mơnăn păn, phon rơvât, pơkeăng rak vế hdrê kơchâi; pơtroh kăn ƀô̆ tơrŭm ƀă kăn ƀô̆ mơhnhôk pêi chiâk deăng hnê mơhno kuăn pơlê pro nhŏng o pơhlêh hdrê pêt mơnăn păn ƀă kih thuât rak ngăn loăng plâi, mơnăn păn.

Châ tơƀrê, mâu kơ koan, tíu cheăng mâu râ hiăng pơtroh lối 212.000 ngế kăn ƀô̆ vêh a pơlê pro nhŏng o, diâp lối 200 rơpâu kơxuô tơmeăm, ƀă tâi tâng kơxô̆ liăn vâ chê 262 rơtal liăn ƀă hên tơdroăng tŏng kum ki ê. Vâ tơdroăng pro nhŏng o pêi pro păng ‘nâng, mơhno châ mâu pơkâ xiâm, tơdroăng xiâm, tung la ngiâ, pôa Nguyễn Đình Trung, Kăn cheăng tung Tíu xiâm Đảng, Kăn pơkuâ hnê ngăn cheăng Đảng kong pơlê Dak Lak pơkâ thế mâu kơ koan, tíu cheăng, kong pơlê pơtối pơhlêh nếo tơdroăng xiâm, troăng pêi pro nhŏng o ƀă mâu pơlê kuăn pơlê hdroâng kuăn ngo tung kong pơlê ăm tơtro ƀă pơkâ mơnhông cheăng kâ, khôi túa lĕm, rêh ối pơlê pơla tung chal nếo nôkố.