Kơnôm troăng hơlâ, kuăn pơlê kơpong pá puât Gia Lai hiăng ai liăn mơ’no pêt mơjiâng tơmeăm, tê mơdró, tăng cheăng pêi, chôa ‘lâng mơ-eăm hlŭn ing pá puât, gum pêi pro mâu pơkâ kơdroh kơtiê krá tơniăn, mơjiâng thôn pơlê nếo. Troh nôkố, tơdroăng ăm mung liăn hiăng pêi pro troh tâi tâng mâu cheăm kơpong hơngế hơngo lâp kong pơlê Gia Lai.

Tâi tâng kơxô̆ liăn ăm mung vâ chê 16 rơpâu 500 rơtal liăn, ƀă lối 500 rơpâu roh rơpŏng kơtiê, rơpŏng vâ chê kơtiê ƀă mâu ngế ai hnoăng tơnêi têa châ mung liăn, tung mê hdroâng kuăn ngo châ vâ chê tơdế. Ing mê, kơxô̆ rơpŏng kơtiê dêi Gia Lai hiăng kơdroh sap ing 23% hơnăm 2014 chu u ối 8% môi tiah nôkố.