Rơtế ƀă mâu tơdroăng ki tơdjâk troh mơnhông cheăng kâ - rêh ối pơlê pơla, gâk kring cheăng lêng dêi kong pơlê, tơdroăng ‘na ki dâi lĕm hnê hriâm ƀă rah xo hok tro hriâm a mâu hngêi trung klêi kơ’nâi mơgêi râ má péa châ mâu kăn teăng mâ tối hên má môi.

Drêng ai tơdroăng kố, điêm tơ’noăng lâm 10, hơnăm 2024 – 2025 a Dak Lak cho iâ, hên mâu kăn teăng mâ tối ăm ‘nâi, kuăn pơlê tô tuăn ‘na ki châ tơƀrê hnê mơjiâng nôkố.

Rơtế amê, tơdroăng xing xoăng rah xo hok tro hriâm a mâu hngêi trung klêi kơ’nâi mơgêi râ má péa tiô tơdroăng tơkêa bro ‘’Hnê hriâm hnê cheăng pêi ƀă mơnhên troăng prôk la ngiâ, xing xoăng rah xo hok tro hriâm a mâu hngêi trung tung hnê hriâm phôh thong hneăng hơnăm 2018 – 2025’’ a kong pơlê ối trâm hên tơdroăng ki ôh tá tro.

A roh tơpui tơno, mâu kăn teăng mâ Hô̆i đong kong pơlê Dak Lak xuân tơpui hên, pơkâ hên troăng vâ mơdêk tơdroăng hnê hriâm dêi kong pơlê tung la ngiâ. Ki má lối cho mâu troăng hơlâ tŏng gum hok tro kơpong pá puât, kơpong hdroâng kuăn ngo.