A leh tơdah, pôa Y Thanh Hà Niê Kdăm, Kăn hnê ngăn Hô̆i đong hdroâng kuăn ngo dêi Kuô̆k hô̆i rơtế mâu tíu cheăng tŏng gum hiăng diâp 300 rơtuh liăn diâp Kơxô̆ liăn Kum mơngế kơtiê ƀă 50 rơtuh liăn diâp ăm Kơxô̆ liăn Pâ mơnê mơngế ai hnoăng kong pơlê Dak Lak.

Tơdah kơxô̆ liăn, Vi ƀan Mât trâ̆n Tơnêi têa Việt Nam kong pơlê hiăng hnê mơhno, xing xoăng ăm 2 tơring Čư Kuiñ ƀă Čư̆ Mgar vâ pêi pro mâu tơdroăng pâ mơnê rơpŏng ai hnoăng ƀă kăch măng ƀă tŏng kum mơjiâng hngêi ăm mơngế kơtiê. Vi ƀan Măt trâ̆n Tơnêi têa Việt Nam kong pơlê Dak Lak tối ăm ‘nâi: troh mơ’nui hơnăm 2023, kong pơlê Dak Lak ai vâ chê 46.100 rơpŏng kơtiê ƀă lối 34 rơpâu rơpŏng vâ chê kơtiê, châ 16% kơxô̆ rơpŏng.

Nôkố, hngêi ối dêi rơpŏng kơtiê ƀă vâ chê kơtiê ối pơtân, tơdrêng amê kơxô̆ liăn mơ’no cheăng tŏng gum dêi kong pơlê ối hên tơdroăng ki pá. Xua mê, tíu cheăng đi đo thăm kơbông krếo mâu tíu cheăng, khu ngế ki lăm tŏng kum mơngế pá puât rơtế tơdjuôm ivá tŏng gum vâ pro kơxô̆ liăn ‘măn kơdĭng vâ tŏng gum mơngế kơtiê./.