Mê cho, Vi ƀan kuăn pơlê dêi kong pơlê Kon Tum xoăng lối 1.145 tâ̆n phái gum ăm lối 15.300 ngế hok tro tiô kơlo pơlâ 15kg phái/khế ƀă gum tung 5 khế hriâm hneăng má 1, hơnăm hriâm 2024-2025. A pơkâ xoăng phái ăm hok tro hneăng má 1, hơnăm hriâm 2024-2025, Vi ƀan Kuăn pơlê dêi kong pơlê Kon Tum pơcháu ăm Khu xiâm ngăn hnê hriâm ƀă hnê mơjiâng tuăn ngoâ rơkê dêi kong pơlê pơkuâ, tơrŭm ƀă Khu xiâm ngăn ‘na ‘măn kơdĭng dêi Tơnêi têa kơpong Peăng kơnhŏng Tây Nguyên ƀă 10 tơring, pơlê kong kơdrâm tung kong pơlê tơdah xo xing xoăng, xúa phái ăm hok tro ăm tro mơngế, kơxô̆ pơkâ ƀă tro tơdroăng.

Tơdroăng xoăng ăm phái gum hok tro thế pê klêi ƀă tơbleăng drêng hiăng klêi pêi pro ăm Vi ƀan Kuăn pơlê dêi kong pơlê Kon Tum ‘nâi hdrối hâi lơ 20/10/2024