Ki nhên, sap ing hâi lơ 24/7 troh tâi hâi lơ 26/7, Hngêi pơkeăng Quân y 15 tơkŭm po ăm khu ƀok thái pơkeăng khăm pơlât, xing xoăng pơkeăng tê kơtê a 3 cheăm Ia O, Ia Boong, Ia Mơr, tơring Chư Prông. Kố cho tơdroăng pêi pro rêm hơnăm dêi Ƀinh đoân 15 rêm roh leh tơbâ Hâi mô đô̆i rong râ – Hlâ hía 27/7, vâ tơbâ mâu tơdroăng veăng kum kân dêi mâu rơpŏng ai troăng hơlâ tơnêi têa tŏng kum, mơngế ai hnoăng ƀă kăch măng; tŏng kum mâu tơdroăng pá puât ƀă kuăn pơlê a kơpong tơkăng kong peăng kơnhŏng Tây Nguyên.

Tiô tối hdrối hơnăm kố, mâu tíu cheăng kô pêi pro khăm pơlât, xing xoăng pơkeăng tê kơtê ăm dâng 1.500 ngế, ƀă kơxô̆ liăn hbrâ ‘măn 200 rơtuh liăn.