Troh nôkố, tơdroăng mung liăn hngêi arak liăn kum rêh ối pơlê pơla hiăng pêi pro troh tâi tâng mâu cheăm kơpong hơngế, hơngo lâp kong pơlê Gia Lai. Tâi tâng kơxô̆ liăn mung kơjo châ vâ chê 16.500 rơtal liăn, ƀă lối 500 rơpâu roh rơpŏng kơtiê, rơpŏng vâ chê kơtiê ƀă mâu ngế ai hnoăng tơnêi ki ê châ mung kơxô̆ liăn.

Tung kơxô̆ kố, mơngế hdroâng kuăn ngo châ vâ chê tơdế. Ing mê, kơxô̆ rơpŏng kơtiê dêi Gia Lai hiăng kơdroh hên sap ing 23% hơnăm 2014 chu u ối lối 8% nôkố. Kơxô̆ liăn mung mâu tơdroăng mung liăn hngêi arak liăn gum rêh ối pơlê pơla hiăng gum pêi pro mâu tơdroăng xiâm tơnêi têa ‘na kơdroh kơtiê krá tơniăn, mơjiâng thôn pơlê nếo, mơnhông cheăng kâ – rêh ối pơlê pơla kơpong hdroâng kuăn ngo ƀă kong ngo tung kong pơlê Gia Lai.