Tơpui a rôh pêi cheăng, pôa Nguyễn Hòa Bình ăm ‘nâi, Khu xiâm pơkuâ tơdroăng kal kí tơmâng ngăn khât ‘na tơdroăng ki tơnêi tơdro a kong pơlê Kon Tum. Ƀă tơdroăng ki tơnêi tơdro rế hía rế hên, pôa pơchân, kăn pơkuâ Đảng, khu kăn pơkuâ ƀă kuăn pơlê athế hbrâ rơnáu ăm tơdroăng ki rêh ối tơdjuôm ƀă tơnêi tơdro.

King pơlê athế pơhlêh hên tơdroăng cheăng ing troăng hơlâ, túa pơkâ tơdroăng tung la ngiâ mơnhông hneăng cheăng troh tơdroăng rêh ối rêm hâi dêi kuăn pơlê.Vâ hbrâ ví tơnêi tơdro tung la ngiâ, pôa Nguyễn Hòa Bình, Ngế cheăng tung Khu xiâm kal kí, tối nhên athế ai mâu hlá mơéa hnê mơhno vâ hbrâ ví, mơ’no mâu túa pơkâ, mê nếo hriâm tâp tiô mâu túa pơkâ ki pơlât apoăng, tŏng xo mâu ngế hliăng tiâ.