A hneăng hôp Ngế pro xiâm hnê ngăn tơnêi têa mơhno hiâm mơno pâ mơnê vâ chê 1,2 rơtuh ngế kuăn kơhnâ rơkê hiăng khên tơnôu djâ troăng ahdrối lo lăm tơplâ, ngế khên tơnôu tơplâ xâ ƀă pleăng dêi mơheăm chá piu lôi dêi tơná xua tơdroăng cheăng mơjiâng, gâk kring Tơnêi têa, xua tơdroăng tơniăn lĕm, hơniâp lĕm dêi Kuăn pơlê.

Tung la ngiâ, Ngế pro xiâm hnê ngăn tơnêi têa pơkâ thế mâu khu râ, mâu kơvâ cheăng, mâu kong pơlê pơtối pêi pro lĕm tro tâ troăng hơlâ dêi Đảng, troăng hơlâ, luât dêi Tơnêi têa, mơdêk rơdêi tâ nếo tơdroăng rak ngăn mô đô̆i rong râ, châi tamo, rơpŏng mô đô̆i hlâ tung tơplâ xâ, mơngế ai hnoăng ƀă kăch măng. Pơtối séa ngăn, hriăn plĕng, kêi đeăng ƀă pêi pro lĕm tro tâ nếo troăng hơlâ, luât ƀă mơngế ai hnoăng, tơniăn teăm tơdrêng, châ tơƀrê, vâ mơngế ai hnoăng ƀă tơnêi têa ƀă rơpŏng ai kơlo rêh ối tơdâng tơngi klêng.