Môi tơdroăng pro mơnúa (ôh ti xê khât) a rôh hôp, klêi kơ’nâi hmâng Ngế xiâm ngăn hnê hriâm ƀă hnê mơjiâng tuăn ngoâ rơkê tơpui tối leăng ‘na xiâm kối dêi tơdroăng xiê̆n pâm a hngêi trung hriâm, pôa Đậu Khắc Gia Bảo lo ing Khu kăn Kuô̆k hô̆i vâi hdrêng kong pơlê Quảng Trị, tối rơkong kơ-êng a rôh hôp:

“Ô pôa Ngế xiâm ngăn hnê hriâm ƀă hnê mơjiâng tuăn ngoâ rơkê, á hiăng hmâng nhên rơkong tơpui tối leăng dêi pôa ‘na xiâm kối chiâng tơdjâk troh tơdroăng ki xiê̆n pâm a hngêi trung hriâm. Laga á hlo Ngế xiâm ngăn hnê hriâm ƀă hnê mơjiâng tuăn ngoâ rơkê tá hâi mơnhên tối tro kơlo ‘na ki tơdjâk dêi tuăn mơno tung tơdroăng xiê̆n pâm a hngêi trung hriâm?”.

Teăng mâ Ngế xiâm ngăn hnê hriâm ƀă hnê mơjiâng tuăn ngoâ rơkê tiâ rơkong kơ-êng:

“Á mơnê ƀă môi tuăn ƀă pôa Đậu Khắc Gia Bảo, kăn Kuô̆k hô̆i, kố xuân cho tơdroăng ki ối ‘ro, mê tung la ngiâ ah, ngin kô tơrŭm krá tơniăn ƀă kơvâ ngăn pơkeăng vâ thăm mơdêk tơbleăng ƀă pơkâ tơleăng teăm tơdrêng tâ mâu tuăn mơno dêi hok tro”.

Tơpui a rôh hôp pro tơdroăng ki ôh ti xê khât ‘na “Hbrâ, mơdât xiê̆n pâm a hngêi trung hriâm”, pôa Nguyễn Kim Sơn, Ngế xiâm ngăn hnê hriâm ƀă hnê mơjiâng tuăn ngoâ rơkê tối tiah kố:

“Tiâ rơkong kơ-êng mê âi, tối cho tơdroăng ki pro ôh ti xê khât la tơdroăng ki pro tơdroăng ôh ti xê khât, mê cho tơdroăng ki ai khât. Á hlo mâu vâi o hiăng êng ƀă tối tơdroăng ki vâi hlê ‘na kơxô̆ ngế xuân môi tiah mâu troăng hơlâ ki Khu xiâm ngăn hnê hriâm ƀă hnê mơjiâng tuăn ngoâ rơkê tiô túa ki tơdrăng khât, hngêi trung hriâm hơniâp ôh tá chiâng ai tơdroăng ki xiê̆m pâm, ƀă mâu tơdroăng ki kô trâm tung mâu hok tro”.

Ƀă jâ Đào Hồng Lan, Ngế xiâm ngăn pơkeăng ƀă khăm pơlât, maluâ veăng ai mâ a Rôh hôp pro tơdroăng ôh ti xê khât Kuô̆k hô̆i vâi hdrêng, la Ngế xiâm ngăn pơkeăng ƀă khăm pơlât hlo môi tiah dế veăng tung rôh kơ-êng khât:

“Mâu rơkong kơ-êng xuân môi tiah rơkong tiâ dêi mâu vâi hdrêng cho kơtăng ƀă pôu râng dêi hnoăng, mơhno tơdroăng ki tơmâng ngăn troh mâu tơdroăng dêi vâi hdrêng. Ngin hlo ai pơxúa khât ƀă vâi hdrêng nôkố. Mâu tơdroăng ki ai tơdjâk troh tơdroăng ôu hât, malối cho túa hât ki nếo, hât điê̆n tưh, hât ki poh tôu ƀă mâu tơdroăng ki ai trếo môi tiah drôu, ƀiêr, thăm nếo ai tá ma tŭi xuân cho tơdroăng ki mơnhâu kân troh ivá châ chăn dêi vâi hdrêng tối tơdjuôm, xuân môi tiah ki rơkê plĕng ‘na pơ’leăng mâ mơngế, hdroâng hdrê dêi tơnêi têa pin”.

Ƀă cho ngế ki ối tung Kuô̆k hô̆i vâi hdrêng dêi Khu kăn Kuô̆k hô̆i Pơlê kong kân Hà Nội, o Nguyễn Trà My, lâm 8B3, Hngêi trung râ má péa Vinschool Times City  tối:

“Tung rôh hôp hâi kố, rêm ngế hiăng tơpui tơno hơniâp ro khât ƀă ai hên rôh tơpui tơno ki ro hơniâp. Á tơngah, mâu rơkong ki tơpui tối ƀă rơkong tơpui dêi á kô châ mâu khu xiâm, kơvâ cheăng tơmâng hên tâ mê nếo, ai mâu troăng hơlâ ing mâu rơkong tơpui tối dêi á, vâ kâi mơdât mâu tơdroăng trâm mâu pơla hơnăm dêi ngin o”.

Klêi kơ’nâi veăng hôp a Rôh hôp êng ƀă tiâ tơdroăng pro ki ôh tá xê khât, pôa Trần Thanh Mẫn, Kăn xiâm hnê ngăn Kuô̆k hô̆i phiu ro ƀă mơnhên tối khât Tíu xiâm Đoân, Hô̆i đong Đô̆i Tơnêi têa hiăng ai túa tơchĕng tơmiât rơkê ƀă mâu kơ koan tơkŭm po Rôh hôp mơjiâng pro tơdroăng ôh tá xê khât “Kuô̆k hô̆i vâi hdrêng “. Tơdrêng amê hlối tối nhên, Đảng, Tơnêi têa đi đo tơmâng ngăn, tŏng gum troh tơdroăng cheăng rak vế, rak ngăn vâi hdrêng. Tiô Kăn xiâm hnê ngăn Kuô̆k hô̆i, Rôh hôp mơjiâng pro tơdroăng ôh ti xê khât; Kuô̆k hô̆i vâi hdrêng “rôh má péa hiăng rah xo 02 inâi cho “Hbrâ, mơdât xiê̆n pâm a hngêi trung hriâm” ƀă “Hbrâ mơdât ki tơdjâk ‘mêi dêi hât, trếo ‘mêi, malối cho tung hngêi trung hriâm” ai pơxúa, châ kuăn kal vâ ‘nâi.