Vi ƀan Kuăn ngo lăm ngăn Tơdroăng pêi pro tiô pơkâ dêi tơnêi têa a kong pơlê Kon Tum
Thứ tư, 14:00, 02/10/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Hâi lơ 1/10, Khu lăm pêi cheăng dêi Vi ƀan Kuăn ngo xua pôa Y Vinh Tơr, Ngế ki hbrâ rơnáu tung Tíu xiâm Đảng, Kăn phŏ pơkuâ Vi ƀan Kuăn ngo pro ngế ki xiâm pơkuâ djâ mâu kăn hiăng lăm ngăn, tăng ‘nâi plĕng mâu tơdroăng, tối tơdroăng pêi pro dêi Tơdroăng pơkâ tơnêi têa mơnhông cheăng kâ-rêh ối dêi kơpong kuăn ngo ƀă kong ngo a kong pơlê Kon Tum.
Pêi pro tiô Tơdroăng pơkâ dêi tơnêi têa ‘na mơnhông cheăng kâ-rêh ối kơpong kuăn ngo ƀă kong ngo, sap hơnăm 2021 troh khế 8/2024, kong pơlê Kon Tum hiăng xo liăn ngân châ lối 1.400 rơtal liăn, châ lối 60% tiô pơkâ. Rêm hơnăm kong pơlê rế kơdroh ai 3-4% kơxô̆ rơpŏng kơtiê cho mâu kuăn ngo; ai 13 to cheăm ƀă 48 to thôn hluăn ing tơdroăng ki xơpá ó...
A rôh pêi cheăng, pôa Y Vinh Tơr khĕn kơdeăn ki hbrâ rơnáu dêi Kon Tum tung tơdroăng tơkŭm pêi pro mâu tơdroăng pơkâ dêi tơnêi têa; ai tơkŭm po pơkuâ tơdroăng pêi ăm tơtro ƀă ki ai khât. Khu kăn pơkuâ hnê ngăn cheăng Đảng kong pơlê pơkâ krê ‘na tơdroăng pêi pro tiô pơkâ tơnêi têa; ai kơxô̆ liăn xo vâ pêi cheăng hên tâ tâng vâ pơchông ƀă mâu kong pơlê ki ê ki pêi tơdroăng mê.
Viết bình luận