VOV4.Sêdang - Vâ kum kuăn pơlê, pak^ng hnoăng cheăng xiâm cho hbrâ tơnáu tung tơplâ, tung hên hơnăm hiăng hluâ, Trung đoân 994, ối tung Khu pơkuâ ngăn lêng kong pơlê Daknông đi đo pêi tro tơdroăng pơtâng tối hnê khe\n kuăn pơlê, kum kuăn pơlê tung pêi cheăng, hbrâ ví trâm pá xua kong tô mơdrăng, khăng khoăng, kong prâi pro ôh tá tơniăn. Tung hơnăm kố, tơdroăng krí xo kơphế dêi kuăn pơlê trâm pá puât xua kong mêi ton hâi, pá ‘nâng drêng tăng mơngế krí kơphế, khu mô đo#i tung trung đoân 994 hiăng troh a kơdrum veăng kum kuăn pơlê krí kơphế. Ngế chêh hlá tơbeăng ai chêh tối ‘na tơdroăng mê.

Nếo klêi krí kơphế péa hectar 5 sao, pôa Nguyễn Văn Cường, cheăm Nâm N’Jang, tơring Dak Song, kong pơlê Daknông sôk ro. Pôa Cường tối ăm ‘nâi, tá hâi ai hơnăm ki lâi a tơring kong mêi, hngiú ó môi tiah hơnăm kố xua mê, rơpo\ng ôh tá châ tăng mơngế krí kơphế. Xua kong mêi, tơdroăng krí kơphế pá puât, mơ-eăm tâi ivá, pêi lo kế tơmeăm khoăng bu châ tơdế tê. Mơhúa, ai mâu mô đo#i Trung đoân 994 veăng kum, xua mê, klêi kơ’nâi 1 khế kơdrum kơphế hiăng klêi krí tâi tâng. Klêi kơ’nâi hiăng klêi krí, Trung đoân 994 pơtối ăm rơpo\ng pôa Cường [a\ hên rơpo\ng ki ê tung kơpong mung tơnêi kân rơdâ dêi đông vâ têng, kum kơphế vâi krâ ôh tá tro u\m. Pôa Nguyễn Văn Cường, tối:

‘’Tối tơdjuâm rơnó hơnăm kố xuân châ, laga rơnó kố kong mêi đi đo ôh tá ai tíu vâ têng. Ki ahdrối cho kơnôm ai plông dêi đông lêng têng châ to lâi chât ta#n kơphế. Tâng ‘măn tung hngêi kong mêi tiah kố kơphế phôk tâi, xua mê kơnôm ai plông đông lêng kố ai khía pêi gá chía tâ iâ’’.

Klêi kơ’nâi lối 1 khế kum kuăn pơlê krí, kơxêi mâu hâi mơ’nui hơnăm cho drêng mâu kuăn pơlê châ krí dêi kơphế ki mơ’nui. Mâu mô đo#i dêi Trung đoân vêh dêi a đông, hmân ếo kơmôu tâi [a\ têa kơxôu xuân ối lo a ngiâ, lâp châ. Mơhé tơbrêi tơbrêh, klêi kơ’nâi mâu hâi pêi cheăng tơbrêi tơbrêh, laga a ngiâ méa mô đo#i tó sôk ro xua hiăng pêi kêi đeăng tơdroăng to\ng veăng kuăn pơlê tung rơnó krí kơphế kố. Ha\ sih Lâm Quốc Cường, cheăng tung Trung đoân 994, tối:

‘’Drêng krí kơphế kum kuăn pơlê mê á mơ-eăm tâi ivá, drêng krí ví tơđôu tơkâng, pro ‘mêi ăm rơnó kơ’nâi dêi vâi krâ, nho\ng o mơhé tơbrêi, laga [a\ hiâm mơno kum vâi krâ krí kơphế tung rơnó kố mê mơ-eăm tâi ivá pêi cheăng. Rêm hâi ai mô đo#i krí châ péa tă kơphế, tối tơchuâm nho\ng o bu vâ kum vâi krâ re\ng krí klêi rơnó kơphế hơnăm kố’’.

Pro tơdroăng tiô pơkâ tung hnê mơhno [a\ hbrâ tơnáu tơplâ hơnăm 2016, Trung đoân hiăng tơku\m ăm 100 ngế kăn [o#, mô đo#i tơru\m hnê cheăng lêng rơtế khu pêi cheăng pơtâng tối kuăn pơlê mâu cheăm dêi tơring Dak Song, kong pơlê Daknông. Đông lêng xuân hiăng mơnhên, pơtâng tối mâu kăn [o# [a\ mô đo#i tung đông ‘na ru\m môi tuăn, môi tiah nho\ng o pơla mâu mô đo#i [a\ kuăn pơlê. Tơniăn tơtro tung tơdroăng rak tơniăn ‘na mơngế [a\ kế tơmeăm khoăng dêi kuăn pơlê tung pêi hnoăng cheăng. Thươ\ng u\y Đặng Đình Hưng, Kăn kum cheăng kal kí Trung đoân 994 – Khu xiâm pơkuâ lêng kong pơlê Daknông, tối:

‘’Đông lêng ngin hiăng pêi kêi, tơtro hnoăng cheăng hnê cheăng lêng [a\ pêi tơdroăng pơtâng tối kuăn pơlê, châ khu râ kăn pơkuâ kong pơlê kheăn kơdeăn ‘na tơdroăng pêi kêi đeăng hnoăng cheăng. Ing tơdroăng pêi hnoăng cheăng pơtâng tối kuăn pơlê, tơru\m hbrâ tơnáu tơplâ kum kuăn pơlê krí kơphế hơnăm 2016 mê đông lêng ngin hiăng tơniăn tung gâk kring tu\m tơdroăng, ing mê thăm pêi châ tơ-[rê [a\ ru\m môi tiah nho\ng o [a\ kuăn pơlê’’.

A Sa Ly tơplôu [ă tơbleăng