VOV4.Sêdang - Hơnăm 2020, pêi pro tiô tơdroăng pơkâ 05 dêi Khu xiâm ngăn cheăng kal kí ’na “Thăm mơdêk tơru\m cheăng tâi tâng hdroâng mơngế, mơjiâng Đảng [ă tơdroăng cheăng kal kí krúa le\m, krá tơniăn tiô hiâm mơno, tuăn tơmiât, túa cheăng Hồ Chí Minh”, Khu pơkuâ hnê ngăn Đảng tơring Dak Song, kong pơlê Dak Nông hiăng pơkâ pêi túa cheăng “5 ngế đảng viên kum 1 rơpo\ng hluăn kơtiê”. Klêi kơ’nâi pêi pro mơnúa tung 1 hơnăm, túa cheăng kố hiăng veăng kum pro thăm rơdâ tung hnoăng cheăng kơdroh kơtiê, kum lối hr^ng rơpo\ng châ tơkâ luâ xahpá vâ kơ tơniăn tơdroăng rêh kâ ối. Mâu hâi apoăng rơnó hơngui kố, pin rơtế tí tăng ’nâi ple\ng ’na túa pêi cheăng kâ dêi mâu đảng viên a tơring Dak Song, kong pơlê Dak Nông tung tơdroăng tơdjoâm ivá kum mâu ngế kơtiê châ tơtêk.

Tung hngêi trăng ki hiăng ton dêi rơpo\ng ngoh Điểu Truyền, hdroâng M’nông, a pơlê Yang Bơ, cheăm Trường Xuân, tơring Dak Song, tâng to idrâp tơpui to dêi mâu vâi hdrêng. Ngoh tối ăm ’nâi, on veăng ngoh hiăng lo ối krê lối 6 hơnăm hdrối, hiăng châ nôu pâ xing xoăng 5 sào kơphế rơtế [ă [ăng tơnêi ki ku\n vâ mơdâng pro hngêi ối pơtân. Kơxo# liăn ki mung mơdâng pro hngêi mê troh nôkố xuân tá hâi teăm mơdrếo tâi, mơhum 2 ngế kuăn pro tơdroăng rêh kâ ối dêi rơpo\ng hngêi đi đo hêng klêa, mơnguâ kơtiê. La tung hơnăm hdrối kố nah, kơnôm ai tơdroăng ki to\ng veăng kơhnâ khât dêi khu đảng viên a cheăm Trường Xuân, mê tơdroăng cheăng dêi rơpo\ng hiăng chía tơniăn tâ. Ngoh Điểu Truyền ai tối tiah kố:

Kơnôm ing to\ng kum dêi mâu đảng viên, rơpo\ng pôa Điểu Truyền dế kơdo mơ-eăm kơdroh kơklêa kơtiê

Rơpo\ng á hiăng klâ ối krê mê tơdroăng cheăng trâm hên pá puât. Xuân kơnôm ai thái Hùng [ă mâu vâi meh, miê, tăm to\ng kum, hnê mơhno pêi pêt tơmeăm, kum hdrê mơnăn păn, í peâp, mê tơdroăng pêi cheăng kâ dêi rơpo\ng á hiăng chía tơniăn tâ. Á kô kơdo mơ-eăm vâ tah lôi mâu tơdroăng ki xahpá vâ rế hía thăm rế châ mơnhông hên tâ nếo, kơdroh tah kơklêa kơtiê xahpá.

Kum rơpo\ng Điểu Truyền châ hluăn ing kơtiê cho khu 5 ngế đảng viên, xua pôa Nguyễn Nhân Hùng, thái hnê a Hngêi trung râ má môi Võ Thị Sáu, cheăm Trường Xuân pro kăn xiâm. Khu kố ối ai 3 ngế đảng viên ối tung mâu kơvâ hnê hriâm, khăm pơlât, liăn ngân dêi tơring Dak Song [ă 1 ngế đảng viên hdroâng kuăn ngo a pơlê Yang Bơ.

Tơdroăng ki mơ-eăm kân khât dêi khu đảng viên a Dak Song hiăng pơtối to\ng kum ăm kuăn pơlê kơtiê vâ châ tơtêk

Thái Nguyễn Nhân Hùng tối ăm ‘nâi, tí tăng ’nâi nhên tơdroăng rêh ối dêi Điểu Truyền, mâu đảng viên hiăng xing xoăng tơdroăng lăm pôu ngăn, hnê mơhno túa mơ’no liăn pêi pêt loăng kơphế. Tơdrêng amê, kum pro kơdroăng kơpôu ro, veăng kum 100 to í, 20to peâp hdrê [ă  to lâi măng t^ng hnối hnê mơnhông veăng păn mơnăn mơnôa:

Hôp tung khu mê ngin hiăng vâ môi tuăn mê cho tơdroăng kum ăm vâi pro ti lâi hnê ‘na kih thuât pêi cheăng kâ. Hơnăm nah, ngin hiăng lăm mơhnhôk [ă mơnhên tối ăm vâi kô mơ-eăm tung tơdroăng pêi pêt [ă păn mơnăn mơnôa vâ hluăn ing kơtiê xahpá. Pơla hdrối kố nah, hiăng mơhno\ng chêh pro hlá đơn pâ thế khu kăn pơkuâ cheăm lo ing rơpo\ng kơtiê. Nếo achê pơla kố, drêng lăm pôu rơpo\ng ngin hiăng ai tơdroăng vâ pơtối to\ng kum nếo, mê cho rôe 2 to chu hdrê, klêi mê, tung măng t^ng la ngiâ vâi pro kơdroăng mê á xuân rôe chu hdrê ăm kơ vâi, ôh tá xê ăm vâi liăn.

Pôa Nguyễn Văn Anh, Kăn pơkuâ hnê ngăn Đảng cheăm Trường Xuân tối ăm ‘nâi, hơnăm nah, Đảng uỷ cheăm hiăng tơru\m cheăng [ă khu râ Đảng châ Khu pơkuâ hnê ngăn Đảng xing xoăng tơdroăng cheăng, tơku\m mơjiâng 110 khu ngế đảng viên vâ veăng kum 110 rơpo\ng kơtiê. Rêm khu tí tăng séa mơnhên ngăn tơdroăng rêh kâ ối dêi tơrêm rơpo\ng hngêi vâ ai troăng hơlâ ki to\ng kum. Ai  mâu khu đảng viên ối veăng tơ’nôm liăn ngân vâ veăng kum ăm rơpo\ng kơtiê ‘mâi rơnêu hngêi trăng, lăm khăm pơlât, lơ kum hdrê loăng pêt, hnê tơdjâ tơdroăng cheăng kum mơngế kơtiê ai tuăn mơno [ă tơdroăng cheăng kâ vâ mơdêk:

Klêi kơ’nâi hơnăm ki apoăng mê tung pơla pêi cheăng kâ xuân u ối mâu tơdroăng ki tá hâi teăm ple\ng. Maluâ ti mê, tơdroăng pơkâ mơ’no túa cheăng kố mê hiăng châ đảng viên [ă kuăn pơlê veăng vâ môi tuăn to\ng kum. Pak^ng mê hiăng châ chiâng pêi pro mâu tơdroăng cheăng ki hâk mơnê, kố cho mâu rơpo\ng ki hiăng ai hiâm tuăn vâ hluăn ing kơtiê xahpá. Hơnăm 2020 hiăng ai 68/110 rơpo\ng hluăn kơtiê, [ă hiăng ai 19 rơpo\ng hiăng chía tơtêk, ing rơpo\ng kơtiê chiâng rơpo\ng vâ chê kơtiê.

Tung lâp tơring Dak Song, hơnămn ah hiăng ai lối 650 rơpo\ng châ kum pêi cheăng kâ vâ hluăn ing kơtiê (kơxo# rơpo\ng kơtiê hiăng chu vâ chê 3%, châ lối tơdế tâng vâ pơchông [ă tơdroăng pơkâ). Khoh chiâng [lêi trâng mâu tơdroăng ki mê, tơdrêng [ă tơdroăng rak vế, pêi pro tơdrêng mâu troăng hơlâ dêi Tơnêi têa, ai tơdroăng ki tơ-[rê khât ing túa pêi cheăng to\\ng kum dêi 5 ngế đảng viên kum 1 rơpo\ng kơtiê dêi Khu kăn pơkuâ hnê ngăn Đảng tơring Dak Song hiăng pơkâ mơ’no. Tiô pôa Đoàn Văn Sự, Kặn pho\ pơkuâ hnê ngăn Đảng tơring Dak Song tối, túa cheăng tơchôam mê cho 5 ngế đảng viên kum môi rơpo\ng hluăn ing kơtiê, laga, ngăn tiô kơ tơdroăng ki ai păng ‘nâng, tung mê ai tá khu 4, 6 lơ 7 ngế đảng viên veăng kum môi rơpo\ng. Rêm khu mê kô ai 3 ngế đảng viên a mâu khu râ dêi tơring, 1 ngế đảng viên a cheăm [ă 1 ngế đảng viên rêh ối rơtế tung kơpong achê rơpo\ng kơtiê.

Ki [lêi trâng dêi túa cheăng kố mê mâu đảng viên thăm lăm troh a pơlê cheăm, achê kuăn pơlê tâ, ôh ti xê to vâ tí tăng ’nâi nhên ‘na tơdroăng rêh ối dêi mâu rơpo\ng hngêi, mê kal athế hlê ple\ng nhên tâ ‘na tơdroăng rêh ối dêi thôn pơlê, ing mê, ai mâu troăng hơlâ, tơdroăng pơkâ tơtro, tơ’ló [ă tơdroăng ki ai khât dêi pơlê cheăm. Rơpo\ng kơtiê châ hnê tối tâi tâng mâu tơdroăng ki vâ pêi cheăng kâ, rak ngăn ivá tung rơpo\ng hngêi, ăm kuăn ‘ne\ng hriâm tâp. Pôa Đoàn Văn Sự tối tiah kố, ing túa cheăng kố hiăng veăng kum ăm tơdroăng cheăng pơkuâ [ă kuăn pơlê tung mơnhông pêi cheăng kâ, kơdroh kơtiê krá tơniăn ton.

Tâng tơdroăng kơdroh kơtiê dêi khu kăn pơkuâ mê tá hâi teăm tu\m. Túa cheăng ki 5 ngế đảng viên kum môi rơpo\ng kơtiê cho kơnôm ai Đảng, Măt tra#n tơnêi têa [ă mâu khu râ xuân ai mâu tơdroăng ki to\ng kum pơlê pơla, tung mê, ai tá tơdroăng ki kơdroh kơtiê. Ing mê, mâu thôn pơlê xuân hiăng ai troăng hơlâ rơdêi tung tơdroăng kơdroh kơtiê, [ă ki xiâm xuân kơnôm ing tơná mâu rơpo\ng kơtiê mơ-eăm xêh. Klêi kơ’nâi mơgêi túa cheăng ki kố á hlo ai pơxúa kân khât [ă tơ-[rê, vâi krâ-nho\ng o kuăn pơlê xuân dế tơkôm, peăng Đảng xuân kum hên tơdroăng cheăng. Mê ngin pơtối rak vế pêi pro tiô tơdroăng tung hơnăm 2021, ki tơtro má môi cho pơtối pêi pro tá mâu hơnăm kơ’nâi ah nếo.

Túa cheăng ki 5 ngế đảng viên kum 1 rơpo\ng kơtiê a Dak Song dế kum pro tơdroăng mơ-eăm ki nếo vâ thăm mơdêk hnoăng cheăng tơ’noăng vâ mơnhông pêi cheăng kâ, kơdroh kơtiê ki tơniăn ton. Tuăn Đảng tơtro [ă mơno kuăn pơlê, môi rơnó hơngui hiăng vêh kô ai hên tơdroăng ki phâi tơtô a kơpong tơnêi dêi hdroâng kuăn ngo a tơring Dak Song kong pơlê DakNông.

Minh Huệ chêh

Nhat Lisa tơplôu [ă tơbleăng