VOV4.Sêdang - Tung rơnó mê hngê, ki hngiâm kơchoh gá tâk hên cho roh ki tơ’lêi hlâu vâ oâ hdrong xông kâ ‘nhiê a kơphế.

          Pôa Nguyễn Văn Tùng, ối a cheăm Ea Kênh, tơring Krông Pa], kong pơlê Daklak ai 1 ha kơphế krí xo châ 3 ta#n kloăng kơphế rêm hơnăm. Laga, xua tơdroăng ki ôh tá tơniăn dêi hyôh kong prâi, sap ing apoăng rơnó mê hngê, kơdrum kơphế pôa hiăng tro oâ hdrong kâ ‘nhiê, tơruih plâi kơbâng [ă tro hên mâu pơreăng rơbông tâ tú, mê troh nôkố, plâi dêi kơdrum kơphế ôh tá dâi le#m:Tung pơla plâi kơbâng kơphế hmâ tro tơruih, a tơxui plâi hlo prăng rơmon mê ah tơruih, pơxiâm mot tung rơnó mê hngê mê hmâ tro rơbông, tro kơmeăn [ă hên pơreăng ki ê, tiô á tơmiât mê cho ki xiâm kối pro tơdjâk troh tơdroăng ki tơruih plâi kơbâng a kơphế.

          Xuân môi tiah pôa Tùng, kơdrum kơphế dêi pôa Phan Quang An, a cheăm Ea Phê, tơring Krông Pa] hơnăm kố tro lu\p tâi tâng [ă tro hên oâ hdrong kâ ‘nhiê. Xua ôh tá vâ xôh pơkeăng ki hbrâ mơdât mâu oâ hdrong kâ ‘nhiê xua oâ hdrong kâ ‘nhiê troh a hên xiâm ki ê tung kơdrum, mê loăng khoh kơdroh ai plâi. Pôa Phan Quang An, tối: Hơnăm kố, kong prâi ôh tá tơniăn mê reăng kơphế tơpo ôh tá tơku\m, ôh tá tơ’mô.

          Pôa Nguyễn Thanh Chung, kăn [o# ngăn ‘na pêi chiâk pêi deăng cheăm Hòa Phú, pơlê kong kơdrâm {uôn Ma Thuột, kong pơlê Daklak hnê tối kơ vâi krâ nho\ng o ki pêi chiâk pêi deăng rak ngăn dêi kơphế tung pơla kố: Hơnăm kố môi tiah ngin hiăng hlo kong tô mơdrăng khăng khoăng El Ni`ô ton kô pro hơnăm kố ai kong mê hên, mêi têi tâ kô pro tơdjâk troh tơdroăng ki oâ hdrong kâ ‘nhiê hên tâ há, mê ngin xuân hnê mơhnhôk ăm vâi krâ nho\ng o athế poê tah mâu tơkâng ki xâp hơngiâp hding kơphế, mâu loăng plâi tung kơdrum kơphế ăm gá tơtro. Má péa, tơtro\ng troh tơdroăng ki ngăn tơkâng [ă rơvât phon ăm kơdrum deăng, tơdâng tơ’mô tâ vâ pôi tá tro oâ hdrong xông kâ ‘nhiê hên’’.

Hbrâ mơdât ôa hdrong kâ ‘nhiê kơphế - hnêi tah tơkâ ki tât, rơvât phon tơdâng tơ’mô, xoh pơkeăng kơdế pơreăng tơtro.

           Tie#n sih Phan Việt Hà, ối tung {ơrô ngăn ‘na khoa hok kih thua#t chiâk deăng Tây Nguyên kô tối pơchân ăm vâi krâ nho\ng o mâu tơdroăng ki kal, pó vâi krâ nho\ng o kô tơmâng.

          Êng: Ô tie#n sih, tung pơla kố a loăng kơphế hmâ hlo mâu ôa hdrong ki lâi kâ ‘nhiê?

         Tie#n sih Phan Việt Hà:  Pơla kố cho pơla rơnó mêi ai tá kong tô, kố cho rôh ôa hdrong kâ ‘nhiê hên, malối cho mâu pơreăng, kơmeăn. Tung pơla kố pin thế tơtro\ng mâu tơdroăng ki tro pơreăng kâ ‘nhiê loăng kơphế. Ôa hdrong kâ ‘nhiê kô ai mâu ôa prâp, ôa kơtôu drêh, kơtôu prâp. Pơreăng kố kâ ‘nhiê ai tá pơreăng pro lo têa nheăn, kơmeăn pro tum khêi plâi, malối cho kơmeăn kâ ‘nhê plâi a pơla khế 9, khế 10 tung hơnăm.  

          Êng: Nôkố pin ai mâu pơkeăng ki lâi vâ xôh kơdê mâu túa pơreăng kố ô [ok thái pơkeăng?

         Tie#n sih Phan Việt Hà: {ă mâu ôa hdrong kâ ‘nhiê cho mâu ôa, mê nôkố pin ai hên túa pơkeăng ki xôh kơdê ôa prâp a loăng kơphế mê cho mâu pơkeăng Album 40EC, Bi58, pơkeăng xôh kơdê hdrong vâ xôh a loăng. {ă mâu ôa prâp pin thế tơtro\ng ‘na kih thuât séa ngăn đi đo vâ ‘nâi ôa prâp kâ ‘nhiê hên lơ iâ hôm hluâ 10% tung tâi tâng mâu hlá tơkâng drêng mê pin xôh, tung rơnó kố ôa prâp hmuâ tung kơphế, xua mê drêng xôh pin thế xôh i nhên.

          Êng: Kuăn pơlê thế pro klâi vâ kơdroh ôa hdrong kâ ‘nhiê kơphế a rơnó kố ô tie#n sih?

         Tie#n sih Phan Việt Hà: {ă loăng kơphế pin thế đi đo hnê tối ăm vâi krâ nho\ng o xúa tâi tâng mâu túa hbrâ mơdât tu\m túa IPM. Pak^ng tơdroăng xúa pơkeăng xôh kơdê tơrêm túa pơreăng, mê pin thế tí tăng ‘nâi tơ’nôm tơdroăng pêi pro ki ê, pơtih rơvât phon tơdâng tơ’mô tơtro. Malối a rơnó kố kong mêi hên, mê pin thế tơtro\ng tung tơdroăng hnê i, tróu tah tơkâng ki tơhyom tơhyăng lơ hding khía ăm tung kơdrum châ bâ phuâng, tâng hngiâm kơchoh ôh tá châ khăng ‘nâ kô pro chiâng ai mâu kơmeăn kâ ‘nhiê loăng.

         Êng: Tie#n sih hôm ai pơchân tối klâi va xôh pơkeăng hbrâ mơdât pơreăng kâ ‘nhiê hôm ai kơdroh ki xêt dêi pơkeăng há?

         Tie#n sih Phan Việt Hà:  Drêng xôh pơkeăng mê pin thế xôh a mâu tíu ki ai hdrong kâ ‘nhiê mê xôh nhên, mâu loăng ki lâi ai ôa prâp kâ ’nhiê pin ôh tá êa xôh. Drêng xôh pó vâi krâ nho\ng o xuân thế tơtro\ng thế xôh tro kih thuât, tro hâi khế. Pin thế ngăn drêng kong tô têi lơ mêi kân mê pôi tá xôh. Malối xôh ki tro tâ cho drêng kong rơngiâp, lơ mâu hâi kong ôh tá mêi, tâng nhôm kong mêi pôi tá xôh.

          Êng: Rơvât phon lối hên lơ ôh tá bê hôm pro ăm loăng tơ’lêi tro ôa hdrong kâ ‘nhê há ô tie#n sih?

         Tie#n sih Phan Việt Hà: Tâng pin rơvât phon lối hên lơ ôh tá bê phon mê ôh tá tro ôa hdrong kâ ‘nhiê, la cho tơ’lêi vâ pro mâu ôa hdrong kâ ’nhiê, pơla kố, ngin đi đo hnê tối ăm vâi krâ nho\ng o, mê ngin hnê tối ăm vâi krâ nho\ng o pơla kố thế rơvât tơdâng tơ’mô đăm [ă kali vâ loăng mơ’rêh dêi plâi re\ng kân le\m, kali cho môi tung trếo ki xiâm kum ăm loăng kâi trâng tơplâ mơdât pơreăng kâ ‘nhiê.

Mơnê kô tie#n sih!

Gương, Katarina Nga [ă A Sa Ly tơplôu tơbleăng [ă pơchuât