VOV4.Sêdang - Khu xiâm ngăn tơdroăng kal kí Khu lêng mố đo#i Việt Nam nếo tơku\m po hneăng hôp Mơgêi tơdroăng cheăng ki kal ‘na mơhno túa le\m tro nge# thuât, hlá tơbeăng lêng hơnăm 2016 – 2020. Hneăng hôp mơnhên hơnăm 2021 – 2025 tơku\m mơdêk rơdêi hnoăng cheăng chêh pro mâu tơdroăng mơhno túa le\m tro – nge# thuât ‘na inâi khu lêng kring vế, tơtro\ng um méa ngế lêng hâi kố [ă mơ-eăm pêi pro ăm mâu tơmeăm ki kân kơnía tâ.

Tiô tơbleăng, 5 hơnăm kố nah, ing pơkuâ, hnê mơhno dêi Khu xiâm pơkuâ cheăng Đảng kơvâ cheăng lêng, ối tung Khu xiâm pơkuâ lêng [a\ hnê mơhno dêi Kơ koan xiâm kal kí mâu tơdroăng ki xiâm ‘na mơhno túa le\m tro, văn hok nge# thuât, hlá tơbeăng khu lêng châ po rơdâ lâp tung tâi tâng khu lêng [a\ tơdroăng rêh ối pơlê pơla, kum tơtro hnoăng cheăng kal kí dêi khu lêng.

A hneăng hôp, mâu kăn mơnhên, tơdroăng pơkâ khôi túa le\m tro a mâu râ tung pơla kố nah châ mơnhông mơdêk, tơdroăng rêh ối mơhno túa le\m tro ‘na hiâm mơno dêi mô đo#i châ mơdêk nhên; kum hnê hriâm khôi túa kăch măng, hiâm mơno pâ nhuo#m tơnêi têa, mơjiâng ‘na hiâm mơno ‘’Mô đo#i Pôa Hồ’’ [a\ tơdroăng cheăng kal kí – hiâm mơno ăm kăn [o#, mô đo#i tung tâi tâng khu lêng [a\ kuăn pơlê.

Môi hneăng hơdruê dêi khu lêng

Đăi tă Nguyễn Xuân Thủ, Thái pơkuâ hngêi trung Đại học Văn hóa Nghệ thuật Quân đội mơnhên, pak^ng mâu tơdroăng hiăng châ tơ-[rê, xuân ối ai tơdroăng ki tá hâi châ tơ-[rê tung tơdroăng pêi cheăng ‘na hơdruê xuâng tung pơla kố nah:

‘’Tơdroăng ki mơ’no liăn ối rơdâ ôh tá tơku\m môi tíu, tá hâi tơtro khât. Kơxo# tơdroăng hơdruê châ tơdah mê cho ki hên cho hơdruê, tá hâi hên mâu tơdroăng hơdruê kơdrâm mơngế, hên ngế rơtế hơdruê, mâu tơdroăng hơdruê nge# thuât, tá hâi ai hên tơdroăng hơdruê ki má môi, tá hâi ai hên tơdroăng hơdruê ki chêh trâu hơngế mơhno tơdroăng ki le\m tro dêi tơnêi têa, tơxâng [a\ rơxông, dêi kuăn mơngế Việt Nam, ki rơhêng vâ tối cho mơngế lêng’’.

Xông tơpui a hneăng hôp, thươ\ng tươ\ng Nguyễn Trọng Nghĩa, Kăn pho\ pơkuâ Kơ koan xiâm kal kí khu lêng kuăn pơlê Việt Nam tối ăm ‘nâi, Khu xiâm pơkuâ lêng hiăng [a\ dế kêi đeăng tơdroăng tơkêa bro mâu tơdroăng pơkâ khôi túa le\m tro tung khu lêng vâ kum tơtro tâ tơdroăng rêh ối mơhno túa le\m tro ‘na hiâm mơno ăm kăn [o# mâu lêng, la ngiâ kum ăm vâi krâ hdroâng kuăn ngo kơpong hơngế hơngo rế hía rế tơtro tâ.

‘Nâi nhên tung mâu hơnăm la ngiâ kô pơtối ai mâu pơloăng mơnúa tung kơvâ khôi túa tuăn tơmiât, văn hok nge# thuât, hlá tơbeăng khu lêng hneăng hơnăm 2021 – 2025 [a\ 2 tơdroăng ki kân:

‘’Tơdroăng má môi cho thăm mơnhông tơdroăng chêh pro tơdroăng hơdruê ‘na khu lêng [a\ tơdroăng tơplâ kăch măng. Ki xiâm cho um méa mơngế lêng hâi kố, tơtro\ng mơ’no liăn ăm mâu tơdroăng ki kân, cho kơlo ki hôm má môi ‘na nge# thuât. Tơdroăng má péa, mê cho pơkâ pêi, mơdêk ki hôm mâu tơdroăng pơkâ khôi túa le\m, thăm mơnhông tơdroăng hnê mơjiâng, tơku\m po mâu roh tơ’noăng tơdjâk troh mơđah tơbleăng, rah xo vâ diâp pri dêi Khu xiâm pơkuâ lêng ‘na khôi túa le\m, văn hok, nge# thuât hlá tơbeăng, mơjiâng tơdroăng ki hơ’leh nếo [a\ mơnhông mơdêk nếo, ôh tá xê to tung khu lêng, tung tơnêi têa mê mơdêk tơdroăng ki trâm mâ tơpui tơno tơru\m cheăng lâp plâi tơnêi’’.

Khu tơku\m po diâp [âng kheăn kơdeăn ăm khu pú hên, ngế krê ki châ tơ-[rê tung tơdroăng mơ-eăm rơkê

Thươ\ng tươ\ng Nguyễn Trọng Nghĩa tối: hdrối pơkâ hnoăng cheăng mơjiâng [a\ kring vế Tơnêi têa tung hneăng hơnăm nếo dế pơkâ cho hnoăng cheăng kal kí troăng tơmiât tơdjuôm, hnoăng cheăng khôi túa le\m, văn hok nge# thuât, hlá tơbeăng tung khu lêng tối krê mâu tơdroăng pơkâ nếo rế hía rế hên.

Vâ po rơdâ pêi pro tơtro mâu tơdroăng pêi ‘na khôi túa le\m, văn hok nge# thuât, hlá tơbeăng khu lêng tung mâu hơnăm la ngiâ châ dâi le\m, châ tơ-[rê rế hía rế tơtro tâ, kal tơku\m pêi pro tơtro mâu tơdroăng xiâm, troăng pêi, ki nhên cho: Pơtối po rơdâ pêi pro tơtro Pơkâ tơnêi têa 5 (hneăng VIII) ‘na ‘’Mơjiâng xiâm kối khôi túa le\m tro Việt Nam ki ó má môi, pêng păm khôi túa le\m hdroâng mơngế’’; Pơkâ 23 dêi Khu xiâm kal kí ‘na ‘’Pơtối mơjiâng [a\ mơnhông mơdêk văn hok, nge# thuât tung rơxông nếo’’; Hlê ple\ng [a\ pêi pro tơdroăng [lêi trâng Pơkâ Hneăng hôp kăn teăng mâ lâp tơnêi têa roh má XIII dêi Đảng; pơkâ hneăng hôp roh má XI dêi Đảng [o# khu lêng, kum thăm mơnhông mơdêk [a\ mơdêk ki hôm mâu tơdroăng pêi cheăng khôi túa le\m tro, văn hok nge# thuât, hlá tơbeăng tung khu lêng.

Roh kố, Kơ koan xiâm kal kí Khu lêng kuăn pơlê Việt Nam xuân hiăng mơhnhôk pêi pro mâu tơdroăng ki xiâm khôi túa le\m tro, văn hok, nge# thuât [a\ hlá tơbeăng Khu lêng hneăng hơnăm 2021 – 2025, tung mê, tơku\m thăm chêh mâu tơdroăng hơdruê, chêh rơkê mâu tơdroăng ‘na khôi túa le\m, văn hok nge# thuât ‘na khu lêng, tơtro\ng um méa mơngế lêng hâi kố [a\ mơ’no liăn ăm mâu tơdroăng hơdruê ki kân kơnâ.

Nguyên Nhung – VOV1 chêh

A Sa Ly tơplôu [a\ tơbleăng