Rêm hâi, kơhnâ [a\ tơdroăng cheăng pong rơgi loăng, pro rơnuâ le\m ăm hên h^n hngêi [ă loăng, ngoh Trần Văn Sơn ối a cheăm Ea Khanh, tơring Ea Hleo, kong pơlê Daklak xuân dế vâ vêh le\m tung tơdroăng rêh ối vâ hvât tah lôi mâu tơdroăng ki pro xôi hdrối nah. Hơnăm 2008, ngoh Sơn tro hngêi tơleăng pơkâ kroăng phâk 2 hơnăm 9 khế xua xôi ‘’Kơdê mơngế xua ngế ki ê pro chiâng hêng hôu’’. Pơla kroăng phâk, ngoh hlo dêi mâu tơdroăng ki xôi dêi tơná, ngoh s^ng khéa dêi tơná lơ hiăng tro pro tơdroăng mê, [a\ kho\m mơ-eăm vêh le\m vâ ai roh hơ’lêh dêi hiâm mơno, tơdroăng rêh ối dêi tơná. Drêng hiăng lo ing hngêi phâk, mơ-eăm tơkâ hluâ ki kơxiâp kơmêi, ngoh Sơn kho\m mơ-eăm vêh le\m [a\ tơdroăng ki kơhnâ pêi cheăng. Apoăng ngoh trâm hên pá puât, môi tiah: ôh tá ai liăn, tá hâi ai mơngế ki roê, ai hên ngế ôh ti vâ trâm ngoh [a\ hía hé. Laga kơnôm mơhnhôk dêi rơpo\ng hngêi, pú hmâ [a\ khu pơkuâ Đoân, ngoh châ mung liăn to\ng kum droh rơtăm ki vêh le\m [a\ 20 rơtuh liăn vâ mơjiâng pro hngêi vâ pong rơgi loăng. Ing tơdroăng mơ-eăm, kơhnâ [a\ pôu râng hnoăng cheăng, mê ngoh ai cheăng pêi đi đo, pêi lo liăn choâ ‘lâng tơtêk. {a\ tơdroăng cheăng kố, ngoh Sơn ai tơdroăng rêh ối tơniăn, pêi lo liăn châ 150 rơtuh liăn môi hơnăm, tăng cheăng pêi ăm 2 ngế pêi cheăng ki ê [a\ mơhá liăn khế 3 rơtuh liăn môi khế. Ngoh Trần Văn Sơn tối:

‘’Apoăng á kơxiâp kơmêi ‘nâng, laga kơnôm ai rơpo\ng mơhnhôk, pú hmâ, đoân viên tơmâng to\ng kum rơtế khu kăn pơkuâ pơlê pơla, á hiăng khên tơnôu mơ-eăm lăm pêi cheăng vâi, choâ ‘lâng châ mung liăn mơjiâng pro hngêi vâ pong rơgi. Á tơmiât thế mơnhông cheăng kâ nếo tơniăn tơdroăng rêh ối tung rơpo\ng hngêi [a\ pro mâu ngế tâ tá vâ vâi hlê ple\ng ‘na mâu ngế ki tro kroăng phâk môi tiah ngin nôkố hiăng vêh le\m xuân ai pói vâ, xuân vâ hơ’lêh tơdroăng rêh ối, klêi kơ’nâi pro xôi’’.

Klêi kơ’nâi 5 hơnăm pêi pro tơdroăng tơkêa bro ‘’To\ng kum droh rơtăm ki pro xôi tro kroăng phâk, vêh le\m tơru\m [a\ pơlê pơla’’, hên droh rơtăm tung kong pơlê hiăng châ tơmâng, to\ng kum dêi mâu khu râ Đoân, Ho#i [a\ hên tơdroăng ki pơxúa kum vâi chiâng kuăn pơlê ki ai pơxúa ăm pơlê pơla. Ki rơhêng vâ tối, tơdroăng tơru\m hnê pât mâu ngế droh rơtăm [a\ kum vâi khên tơnôu rêh ói tung pơlê pơla khu kăn pơkuâ Đoân droh rơtăm Daklak [a\ Tíu kroăng phâk Dak Tân, Dak Trung, Kơ koan xiâm 8 Khu xiâm pơkuâ Ko\ng an hiăng mơhnhôk mâu droh rơtăm ki pro xôi, hiăng vêh le\m mơjiâng pơkâ xiâm, mơ-eăm vêh le\m, re\ng rêh ối le\m [a\ pơlê pơla, rơpo\ng. Đăi tă Lương Xuân Ngợi, Kăn pơkuâ tíu kroăng phâk Dak Tân, tơring Mdrak tối ăm ‘nâi:

‘’Pơtối mơnhông mơdêk ki rơkê, tơdroăng tơru\m mâu khu pơkuâ rêm râ, dêi Khu pơkuâ droh rơtăm kong pơlê [a\ khu pơkuâ tíu kroăng phâk Dak Tân, Dak Trung đi đo tơru\m krá tơniăn vâ hnê mơhno tơtro pơkâ kố. Hnê pât mâu ngế ki xôi, vâ mâu vâi o hlo ki pơxúa [a\ ki kal dêi ru\m rêh ối [a\ pơlê pơla, ôh tá ăm ai mâu ngế xôi hiăng vêh le\m pơtối pro xôi luât nếo’’.

‘Nâi nhên hiâm mơno dêi mâu droh rơtăm ki pro xôi hiăng vêh le\m, mâu hâi apoăng hiăng rêh ối [a\ pơlê pơla vâi kơxiâp kơmêi, mâu khu râ Đoân, Ho#i a Daklak hiăng teăm tơdrêng tung tơmâng to\ng kum, lăm kơ-êng, mơhnhôk vâ mâu vâi o re\ng mot tơru\m [a\ pơlê pơla. Tung 5 hơnăm po rơdâ tơdroăng tơkêa bro, rơtế [a\ tơdroăng veăng tơru\m a Daklak hiăng teăm tơdrêng tung tơmâng, kơ-êng, mơhnhôk vâ mâu vâi o re\ng mot tơru\m [a\ pơlê pơla, hiăng ai lối 2.000 ngế droh rơtăm ki pro xôi hiăng vêh le\m châ tơbleăng, hnê mơhno, tăng cheăng pêi. Tung kơxo# mê, hiăng ai lối 200 droh rơtăm ai cheăng pêi tơniăn a mâu ko\ng ti, khu tê mơdró, lối 23 droh rơtăm châ mung liăn mơnhông mơdêk cheăng kâ [a\ kơxo# liăn vâ chê 800 rơtuh liăn. Ngoh Y Nhuân {ya\, Kăn pơkuâ hnê ngăn cheăng Đoân droh rơtăm kong pơlê Daklak tối ăm ‘nâi, ki hên droh rơtăm veăng tơkêa bro tung pơla kố nah hiăng rơkê hôm, rêh ối ai pơxúa [a\ pơtối mơ-eăm pêi pro mâu tơdroăng ki dêi tơná pói vâ. Tung la ngiâ, tơdroăng to\ng kum droh rơtăm klêi kơ’nâi hiăng vêh le\m, khên tơnôu rêh ối [a\ pơlê pơla, pơtối hơ’lêh nếo vâ tơtro tâ [a\ tơdroăng rêh ối dế nôkố. Ngoh Y Nhuân {ya\ tối ăm ‘nâi:

‘’Khu kăn pơkuâ Đoân droh rơtăm kong pơlê hiăng tơru\m [a\ hngêi arak liăn kum pơlê pơla, kum mâu pú hmâ kố môi kơxo# liăn vâ ăm vâi châ mung liăn pêi cheăng. Khu kăn pơkuâ Đoân kong pơlê xuân hiăng séa ngăn inâi vâ pro mơ-éa ăm vâi châ mung liăn mơnhông cheăng kâ [a\ kum pú hmâ xúa kơxo# liăn ki mê tơtro tiô pơkâ, châ tơ-[rê hên’’.

Pói vâ, [a\ tơdroăng veăng kum dêi mâu khu râ, kơvâ cheăng, tíu cheăng, kong pơlê veăng kum ăm Đoân viên droh rơtăm kong pơlê Daklak kô kum hên tâ mê nếo mâu ngế droh rơtăm ki pro xôi hiăng vêh le\m, mâu droh rơtăm pho#m xông kân ki ôh tá hlê ple\ng, rêh ối ai pơkâ xiâm, pơxúa ăm rơpo\ng [a\ pơlê pơla.

A Sa Ly tơplôu [a\ tơbleăng