Pôk pơ ư păng chih răk dôm tơdrong tơgop đơ̆ng dôm kon pơlei jang chŭn mir hơgei păng HTX jang xa ‘lơ̆ng sơnăm 2024, Kơdră Trung ương Khul kon pơlei jang chŭn mir Việt Nam Lương Quốc Đoàn pơma hơdăh, lơ̆m khei ‘năr iung jang, hơnăp jang đơ̆ng kon pơlei jang chŭn mir, đơ̆ng khul kon pơlei jang chŭn mir hơnơ̆ng tơgop tih ăn tơdrong iung tơblăh đơ̆ng kăch mang, pơjing păng vei lăng teh đak.

Pơm lăp hăm rim tơdrong jang kiơ̆ rim tơdrong lơ̆m rim chăl sơnăm, Kơdră Trung ương Khul kon pơlei jang chŭn mir Việt Nam Lương Quốc Đoàn hơpơi ‘mĕh, kon pơlei jang chŭn mir jang xa rơgei păng dôm HTX jang xa ‘lơ̆ng sơnăm 2024 hơnơ̆ng tưk hơtŏk hơnăp jang tơm dơnơm, chơng hơnhăk, tưk tơiung jơhngâm đon hưch hanh vang pơjei băl lơ̆m rim tơdrong choh jang păng pơjing tơring tơrang ‘nao.