'Nâu jĭ tơdrong tơlĕch pơtrŭt choh jang xa Trung ương jăl sơnăm 2022 – 2024, đei tơlĕch kiơ̆ pơkăp pơtăm 'long xa plei (chăn hroi, sâu riêng, ƀơr păng mit) kiơ̆ tơchơ̆t VietGAP, hăm pơkăp 220 hectar tơ̆ 3 dêh char Đăk Lăk, Đăk Nông, Gia Lai.

Tơ̆ hop akŏm, rim bơngai tang măt akhan, đơ̆ng tơdrong đei jơnei kăp gĭt kơ tơdrong jang, rim anih vei lăng tơdrong choh pơtăm, jơnŭm pơgơ̆r tơring athei chih tơmơ̆t tơdrong jang đei jơnei âu lơ̆m hla bar pơtho ăn bơngai pơm jang iŏk yua vă chă pơtăm 'long xa plei kiơ̆ tơchơ̆t VietGAP vă tơjur ƀiơ̆ tơdrong răm hăm cham char păng pơm tơlĕch đei tơmam drăm 'lơ̆ng sơđơ̆ng, đei tơm a la chă hơdah păng tơguăt tĕch răt tơmam drăm, tơgop hơtŏk tơdrong jang 'long xa plei kơjăp sơđơ̆ng tơ̆ tơring.