Sơnăm 2024, kơjă tơmam đơ̆ng choh jang xa, jang ‘long păng rong ka hơdang kơ dêh char Đắk Lắk đei hlŏh 23.500 ti hlak jên, lơ hlŏh 1,4 ‘măng pơting hăm jô̆ păh lăp lơ̆m teh đak, tơgop ‘lơ̆ng ăn tơdrong jang tŏk mŭk drăm kơ dêh char. Tơdrong choh jang xa kơ dêh char oei hơmet ming kiơ̆ trong ‘nao ‘lơ̆ng, jang tŏk jrŭ xă, iŏk yoa rim tơdỏng ‘lơ̆ng đơ̆ng tơring, tơklep hăm tơdrong ‘mĕh vă tơ̆ anih tĕch mơdro, jang kiơ̆ tŏ ‘mi kial tơplih păng mâtjang hơdoi hăm apŭng plenh teh.

Dêh char Đắk Lắk hơnơ̆ng tơplih ‘nao păng hơtŏk tơdrong đei yoa đơ̆ng dôm trong choh jang xa păng pơlung anih tĕch mơdro tơmât jên ăn tơdrong choh jang xa. Sơnăm 2025, anih choh jang xa Đắk Lắk tơlĕch đon pơhnŏng adrin pơm hơtŏk kơjă tơmam đơ̆ng choh jang xa, tơ̆r ‘long, ka hơdang tơ̆ dêh char truh 24.700 ti hlak jên; dơnâu, hơbong pơro đak pơm ‘lơ̆ng ăn tơdrong tơruih ăn hlŏh 85% teh rei pơtăm.