Kơjă tơmam drăm choh jang sa, bri ‘long, ka hơdang kiơ̆ kơjă dang ei iŏk đei vă jê̆ 33.000 ti 700 triu hlak jên, tŏk vă jê̆ 22% pơtêng hăm sơnăm sơ̆. Tơ̆ hop akŏm pơtôch bơ̆ jang 6 khei blŭng sơnăm ou ki, Hơnih vei lăng Choh jang sa păng Atŏk tơ iung tơring tơrang dêh char Dak Lăk akŏm pơma dơnuh rim trong jang đei ƀơm truh rim trong tơlĕch vă jang kơ hơnih, lơ̆m ou akom lơ̆m phĕ tĕch sâu riêng sơnăm 2024, bơ̆ jang vei lăng năng tông păng atŏk tơ iung bri, atŏk kơtang tơgoăt choh jang sa hơdoi, atŏk tơ iung jang sa kiơ̆ tơdrong pơkăp ‘lơ̆ng.