Đơ̆ng rŏng kơ tơdrong dăr lăng tơdrong jang tang găn jĭ đơ̆ng khul jang thú y păng khul kơdră pơgơ̆r tơring, 1,2 hnam rong rơmo iŏk đak toh đei jĭ klak păng lôch tơ̆ 2 apŭng Đơn Dương păng Đức Trọng, khul jang đei jơ bơ̆ jang hăm kơdră chĕp kơ̆l dêh char Lâm Đồng.

Tơ̆ âu, Phŏ Kơdră tơm Phùng Đức Tiến athei dôm anih jang kơ trung ương kŭm hăm tơring jăh tơlĕch trong tang găn vă hơmet ăn rơmo jĭ klak, găh tôch ai tơdrong hiong răm păng vei lăng ‘lơ̆ng cham char. Anih jang thú y kŭm hăm dôm anih đei ƀơm truh jăh chih tơlĕch trong hơmet ăn rơmo iŏk đak toh jĭ vă roi tơbăt tơtom ăn kon pơlei, vang jang hơdoi hăm kon pơlei hơmet ăn rơmo jĭ. Anih tơm vei lăng choh jang xa păng atŏk tơiung tơring tơrang păng dôm anih jang kơ trung ương, anih rong kon tơrong vang tơgŭm bơ̆n pơgang, tơmam hơmet jĭ ăn dêh char Lâm Đồng.