Bơngai pơtăm chĕh phe Lâm Đồng kơchăng tang găn tŏ phang pơđang
Thứ sáu, 11:21, 24/02/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Kơplăh dang ei dêh char Lâm Đồng păng pơma atŭm tơ̆ dôm dêh char Tây Nguyên, mât lơ̆m pơyan phang ‘lơ ‘lŏ. Vei lăng mah mai đak pruih ăn chĕh phe ‘nŏh jĭ tơdrong tôch gĭt kăl, đei kon pơlei, anih choh jang xa tơ̆ dôm tơring tôch tơrĕk, vă pơgar ‘long jing ‘lơ̆ng, đei măh mai đak ăn pơyan phang.
Chĕh phe jĭ 1 lơ̆m dôm kơloăi ‘long pơtăm tơm kơ dêh char Lâm Đồng, đei tĕh pơtăm xă hlŏh 170.000ha, akŏm tơ̆ dôm apŭng Lâm Hà, Di Linh, Đức Trọng păng Bảo Lâm. Vă jang xa gơ̆h đei yoa ‘lơ̆ng, kon pơlei păng khul kơdră pơ gơ̆r tơ̆ âu oei tơ lĕch lơ trong tang găn tŏ phang.
Kiơ̆ ƀok Vũ Bá Yêu, Phŏ Kơdră Anih vei lăng choh jang xa păng atŏk tơ-iung tơring tơrang apŭng Lâm Hà, tơ̆ tơring pơtơm đei ƀôh tŏ hang, tŏ kơnê̆, tơbăt pơyan tŏ phang vă truh bơih, kơna tơdrong tang găn tŏ phang pơđang kăl đei hơtŏk loi dơ̆ng. Apŭng pơtho trong pơro đak tơruih mă ‘lơ̆ng; mong đak tơ̆ dôm dơnâu mă măh mai vă pơyoa ‘lơ̆ng hlŏh ăn tơdrong pruih ăn ‘long pơtăm.
Viết bình luận