Cheh phe Robusta ‘lơ̆ng Việt Nam iŏk đei yaih kơjung hlŏh lơ̆m tơdrong thi chĕh phe apŭng plenh teh
Thứ tư, 14:51, 11/12/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar – ‘Năr 10-12, Cheh phe Robusta ‘lơ̆ng đơ̆ng Việt Nam hlôi iŏk đei yaih kơjung hlŏh lơ̆m tơdrong thi “Cup Odjeta Swan 2024".
Tơdrong ‘nâu tơgop tơƀôh hơdăh anih dơ̆ng păng kơjă kăp gĭt đơ̆ng chĕh phe Robusta ‘lơ̆ng kơ Việt Nam đơ̆ng rŏng 6 sơnăm tơlech trong jang pơm tơlĕch tơmam ‘lơ̆ng. Tơdrong thi “Cup Odjeta Swan 2024" jĭ 1 tơdrong chă rơih chĕh phe Robusta ‘lơ̆ng lơ̆m plei teh.
Kiơ̆ ƀok Trịnh Đức Minh, Kơdră vei lăng Khul jang cheh phe Buôn Ma Thuột, Tơdrong thi Cup Odjeta Swan 2024 hlôi pơjing đei anih jang hơtŏ băl păng rơđăh rơđong vă pôk pơ ư dôm tơmam chĕh phe Robusta ‘lơ̆ng. Tơdrong jơnei đơ̆ng dôm anih jang, ưh lăp tơdrong hưch hanh hơdrô̆ đĕch mă oei jing tơdrong hưch hanh kơ hơnăn tơmam păng tơƀôh hơdăh tơdrong 'lơ̆ng tih đơ̆ng chĕh phe Robusta 'lơ̆ng kơ Việt Nam tơ̆ dôm anih tĕch mơdro 'nao, lơ̆m noh đei anih tĕch mơdro tơ̆ Trung Quốc.
Viết bình luận