Kiơ̆ kơtơ̆ng ang, hop akom 9 khei ou ki, tơdrong jang sa pơm tơlĕch tĕch mơdro tơmam drăm, teh đak tơmơ̆t jên jang, tơ iung pơjing trong hnam păng tĕch mơdro tơ̆ teh đak đe kơ Dak Lăk păng Dak Nông atŏk tơ iung sơđơ̆ng, lơ trong tơlĕch jang iŏk đei jơnei hloh pơtêng hăm sơnăm sơ̆. Hơdrô̆ dêh char Lâm Đồng tŏk mŭk drăm hlôi tơjur ƀơ̆. Pơ đĭ 3 dêh char jei tơƀơ̆p tơnap tap, tơhlăk tơhlĭn đei ƀơm truh tơdrong tơgum djru teh, hnam oei ăn kon kông kiơ̆ Tơdrong jang tơm teh đak păng tơdrong kon pơlei kơdou mơ̆t oei ưh kơ kiơ̆ trong pơprŏ jang… Kiơ̆ đơ̆ng ƀok Nguyễn Văn Hùng, tơdrong iŏk đei jơnei lơ̆m 9 khei ou ki tơƀôh hơdăh 3 dêh char Dak lăk, Dak Nông, Lâm Đồng hlôi đei lơ tơdrong hơdrin, mă kăl lơ̆m atŏk tơ iung choh jang sa. Ƀok Nguyễn Văn Hùng athei 3 dêh char akom iung jang keh đang trong tơlĕch jang lơ̆m sơnăm 2024. Lơ̆m ou, rim dêh char kăl atŏk kơtang jang ‘lơ̆ng tơlĕch kon jên teh đak tơmơ̆t jang, iung jang keh đang rim tơdrong tơlĕch jang, tơdrong vă jang teh đak tơmơ̆t jên jang; lăng kơjăp hloh dơ̆ng bơ̆ jang vei lăng sơđơ̆ng teh đak; vei răk tơƀăk mong păng atŏk tơ iung tơdrong ‘lơ̆ng rŏ oei sa joh ayŏ, atŭm hăm atŏk tơ iung tơmang pơhiơ̆.