Dak Lak dang ei đei hloh 22.500 hek tar sầu riêng hăm plei hloh 200.000 tấn, khei ‘năr phĕ tĕch đơ̆ng hơtuch khei 7 truh khei 10 rim sơnăm. Truh dang ei, sầu riêng dêh char Dak Lak tŏk bŏk yak mơ̆t lơ̆m pơyan phĕ tĕch. Vă hiôk ăn tơdrong tĕch tơ̆ teh đak đe, Anih vei lăng găh choh jang sa - hơtŏk tơiung tơring tơrang Dak Lak athei Anih vei lăng ‘long pơtăm pơjao kơ anih jang găh Anih vei lăng ‘long pơtăm pơm jang tơm, ăn kang ƀô̆, hơmet tơmam joăt jang pơgơ̆r hơlen lăng jĭ păng pơm hla ar hơlen lăng jĭ tơ̆ tơring ăn dôm tơmam sầu riêng dêh char Dak Lak pơyan jang 2023.

Hơdrol ‘noh, tơ̆ jơ bơ̆jang đơ̆ng Anih vei lăng ‘long pơtăm hăm Anih vei lăng choh jang sa - hơtŏk tơiung tơring tơrang Dak Lak, Jơnŭm jang Sầu riêng dêh char Dak Lak, Anih vei lăng ‘long pơtăm hlôi drơ̆ng nơ̆r ăn kang ƀô̆ păng hơmet ăn tơmam joăt jang pơgơ̆r hơlen lăng păng pơm hla ar hơlen lăng jĭ tơ̆ tơring ăn kơ dôm tơmam sầu riêng kơ Dak Lak.