Truh dang ei, Đắk Lắk đei hlŏh 610 anih jang đei ƀơk ăn hla ar Tơmam xa rơgŏh ‘lơ̆ng găh: rei pơtăm, rong kon tơrong păng jang ka hơdang. Lơ̆m dêh char pơjing đei 123 trong jang hơdoi yoa dôm khul kơdră tơ̆ tơring pơgơ̆r, 150 HTX choh jang xa đei trong jang hơdoi păng tĕch tơmam hăm anih tĕch mơdro, đei 5 khul jang khoa hŏk vang jang hơdoi. Tơ̆ Hop akŏm, dôm bơngai tang măt pơma nuh, tơlĕch lơ trong jang vă hơtŏk tơmam ‘lơ̆ng, vei lăng rơgŏh tơmam đơ̆ng choh jang xa, tơ̆r ‘long, ka hơdang.