‘Nâu jĭ tơring mă 2 kơ dêh char Dak Lak đơ̆ng rŏng kơ apŭng Krông Pach đei ƀơk ăn Hơnăn sầu riêng atŭm. Sầu riêng Cư M’Gar đei Anih vei lăng tơmam pơchĕh rơgei – Anih tơm jang Khoa hŏk păng kơmăy kơmŏk ƀơk ăn Hla ar kĭ tơbăt Hơnăn "Sầu riêng Cư M’Gar" ‘năr 10/7/2023. Hla ar chih tơbăt đei yoa lơ̆m 10 sơnăm jô̆ đơ̆ng năr ƀơk. ‘Nâu jĭ tơdrong hơgăt luơ̆t pơih trong vă apŭng Cư M’Gar hơnơ̆ng tưk tơiung hơnăn păng kơjă kăp gĭt đơ̆ng plei sầu riêng.

Apŭng Cư M’Gar đei hlŏh 4.100 ha sầu riêng, ‘long sầu riêng đei plei ‘nŏh 1.000 ha, plei phĕ đei truh 20.000 tân. Truh dang ei, apŭng Cư M’Gar đei 13 anih tĕch mơdro vang jang hơdoi, roi tơƀôh ki thuơ̆t jang, tĕch mơdro tơmam hăm dôm HTX, grŭp jang hơdoi păng pơm pơkĕh hla ar ăn 37 kơsô̆ chih tơbăt tơring pơtăm sầu riêng hăm hlŏh 830 ha.