Đơ̆ng rŏng hloh 5 sơnăm tơlĕch jang, Tơdrong jang mĭnh tơring mĭnh tơmam drăm (OCOP) hlôi pơjing đei hơyak pran kơtang lang să tơ̆ rim tơring lơ̆m dêh char Đak Lăk. Truh dang ei, Đăk Lăk hlôi drơ̆ng ăn 143 tơmam drăm kơ 93 tơngla OCOP iŏk đei đơ̆ng 3 - 4 hơnglŏng.

Rim tơmam drăm OCOP hlôi tĕnh koăng iŏk đei hơnih dơ̆ng, đei đe răt iŏk lơ, tơgŭm ăn kon pơlei lang să choh jang sa, atŏk kơjă iŏk đei kơjăp. Tơ̆ hop akŏm rim kơdră tang măt hlôi tơbăt găh “Tơdrong jang mĭnh tơring mĭnh tơmam drăm, ƀôh hơdăh đơ̆ng lơ̆m teh đak păng teh đak đe găh atŏk tơ iung mŭk drăm tơring chŏh jang sa”, “Dôm tơdrong đei ƀôh hơdăh đơ̆ng rŏng 5 sơnăm tơlĕch jang Tơdrong jang OCOP tơ̆ Đăk lăk”, “Tơdrong tơm Tơdrong jang OCOP. Hơnăp jang kơ pơđĭ khul chinh trĭ lơ̆m tơlĕch jang Tơdrong jang OCOP. Dôm tơdrong ƀôh hơdăh, trong jang kăl jăl jang 2023-2025”.