Dak Lak: Hop akŏm tơgoăt hơdai mơdro sa đơ̆ng bơngai pơtruh dôm tơmam đơ̆ng choh jang sa hăm dôm anih mơdro sa tĕch tơmam tơ̆ teh đak đe sơnăm 2023
Thứ bảy, 09:58, 09/09/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê 8/9, Anih vei lăng găh kơmăy kơmŏk mơdro sa dêh char Dak Lak pơgơ̆r Hop akŏm tơgoăt hơdai mơdro sa đơ̆ng dôm bơngai pơtruh tơmam đơ̆ng choh jang hăm dôm anih mơdro sa tĕch tơmam tơ̆ teh đak đe sơnăm 2023.
Hloh 200 ‘nu bơngai tang măt đơ̆ng 120 hơnih tang măt dôm hơnih tĕch mơdro hăm teh đak đe lơ̆m teh đak, hơp tak xăh pơm tơlĕch, pơtruh tơmam đơ̆ng cjoh jang sa, tơmam sa tơ̆ dôm dêh char Dak Lak, Dak Nông, ‘Long An, An Giang, Hậu Giang vang truh hop akŏm.
Tơ̆ hop akŏm, dôm bơngai tang măt hlôi roi tơƀôh găh tơmam ‘lơ̆ng, tơdrong pran păng tĕch dôm tơmam đơ̆ng choh jang sa đei tơm kơ tơring. Ƀok Lưu Văn Khôi, Kơdră Anih vei lăng găh kơmăy kơmŏk mơdro sa dêh char Dak Lak tơbăt, jên tĕch tơmam tơ̆ teh đak đe lơ̆m dêh char khei 8/2023 jô̆ pơhlom đei 130 triệu USD. Akŏm jên tĕch tơmam tơ̆ teh đak đe 8 khei sơnăm 2023 jô̆ pơhlom đei hloh 1.000 triệu USD, jur 0,3% pơtêng hăm khei ‘nâu sơnăm 2022, iŏk đei 64,4% trong tơlĕch jang sơnăm.
Viết bình luận