Kiơ̆ kơ Anih vei lăng găh Choh jang păng Hơtŏk tơiung tơring tơrang Đắk Lắk, sơnăm ‘nâu jĭ klak chroh nhŭng Châu Phi tơ̆ dêh char đei ƀôh tôch kơ krê hơmơt. Truh tŏk bŏk khei 11, jĭ hlôi đei ƀôh tơ̆ 233 ŭnh hnam, 120 pơlei, 43 xăh kơ 10 apŭng, pơm lôch păng soh hŭt hloh 2.700 tŏ hăm trăp vă jê̆ 140 tấn.

Vă vei lăng jĭ, Kơdră Anih vei lăng kon pơlei dêh char Đắk Lắk ‘nao đei Hla ar athei Anih vei lăng kon pơlei dôm apŭng, thị xăh, pơlei tơm păng anih jang ƀơm truh tơlĕch jang kơtang, hrơ̆ch 1 ‘măng dôm trong jang tang găn jĭ klak chroh nhŭng châu Phi. Mă loi ‘noh jĭ, anih vei lăng găh Choh jang sa păng Hơtŏk tơiung tơring tơrang, răp hơlen lăng tơdrong jĭ, kơchăng pơgơ̆r, tơlĕch jang dôm trong jang vei sơđơ̆ng hơnih pơtruh tơmam hơdrol, lơ̆m păng đơ̆ng rŏng năr Tết Nguyên đán Ất Tỵ - 2025.