Hơgăt teh pơtăm pơkai sơnăm 2024 tơ̆ apŭng Chư̆ Prông dang 300ha tơ̆ rim tơring Ia Piơr, Ia Lâu păng Ia Mơr, găh lơ kon pơlei đơ̆ng rim dêh char Bình Định, Phú Yên, Quảng Ngãi năm mơng teh jang sa. Truh dang ei, rim ŭnh hnam hlôi phĕ đei dang 150ha, găh să hơgăt teh uơ oei kơ yuơ pơtăm klui vă tĕch mơdro lơ̆m khei ‘năr Têt. Kơ yuơ tŏ ‘mi kial chrih chrĕng, ‘mi tih lơ pơm ăn lơ chŭn mir plei pơkai ôm, pơm ăn truh hiong răm. Dang ei, kơjă plei pơkai jur tôch kơtang pơm ăn kon pơlei jang tơƀơ̆p tôch mơmat tat. Lơ kon pơlei choh jang sa, lăp đơ̆ng rŏng tơmơ̆t jên jang kơ hrĕng triu hlak jên dang ei hiong pơgoh păng oei đom hre lơ dơ̆ng. Đei bơngai măh prăh prang pă ‘meh phĕ, đei ŭnh hnam hơdrin phĕ hơmŏ hmăi đei kon jên kla ăn kon jên mơng teh đe.