Đăk Lăk iŏk jang tơnăp tơdrong tĕch tơlĕch tơmam drăm choh pơtăm
Thứ bảy, 10:04, 21/10/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Năr 20/10, Anih jang vei lăng kon pơlei dêh char Đăk Lăk pơgơ̆r Hop akŏm sơkơ̆t 5 sơnăm pơm kiơ̆ Tơchơ̆t 98/2018 đơ̆ng Jơnŭm pơgơ̆r teh đak gah hơvơn hơtŏk hơp tak xah, tơguăt pơm jang, tĕch tơmam choh pơtăm păng lơ̆m tơring teh kơ dêh char. Jâ̆p dêh char đei pơhlom 150 Hơp tak xah choh jang xa, hloh 270 var pơgar tơ̆ unh hnam păng hloh 15.500 unh hnam kon pơlei tơguăt jang hadoi pơm tơlĕch păng tĕch tơmam drăm hăm anih jang mŭk drăm.
Kiơ̆ tơroi lơ̆m hop akŏm, kiơ̆ đơ̆ng Tơchơ̆t 98 sơnăm 2018 đơ̆ng Jơnŭm pơgơ̆r teh đak, dêh char Đăk Lăk hlôi hơvơn trŏ ƀlep, đei jơnei, tơgŭm ăn lơ anih jang mŭk drăm, hơp tak xah păng kon pơlei kĕ pơm jang hơtŏk iŏk yua. Tơdrong vang akŏm jang tơguăt hơ-‘nhăk pơyua ăn dôm pah vang akŏm.
Dôm anih jang mŭk drăm, Hơp tak xah đei jên asong jang sơđơ̆ng ‘lơ̆ng; tĕch tơlĕch tơmam drăm đơ̆ng kon pơlei kiơ̆ tơdrong tơroh jang, asong tơdrong jang ăn kon pơlei. Atŭm hăm noh, tơdrong tơguăt pơm tơlĕch tơmam rơgoh ‘lơ̆ng sơđơ̆ng, đei tơm a hla chă hơdah ăn bơngai răt yua băt, asong tơdrong jang ăn bơngai pơm jang. Tơdrong iŏk yua kih thuơ̆t hơgei lơ̆m choh jang xa tơgŭm tơjur choh jang xa kơnê̆ truh tơ̆ cham char.
Viết bình luận