Hloh 150 hơp tak xah lơ̆m păng ‘nguaih kơ dêh char Đăk Lăk vang akŏm pơma đam gah tơdrong đei ƀôh, dôm trong jang hiôk păng tơnap tap lơ̆m tơroh tĕch tơlĕch tơmam drăm.

Tơ̆ pơma đam, rim bơngai tang măt tơbang hơdah minh ƀar tơnap tap lơ̆m pơm jang tĕch pơdro dang ei nhen: huach kư̆ kă, kơjă tơmam drăm, tơmam vă pơm jang răt tơmơ̆t kăp kơ jên, tĕch tơlĕch tơmam drăm ƀơm tơnap tap. Kơyuơ noh, vă tĕch đei tơmam drăm păng pơtrŏ hăm tơdrong kăl tĕch răt, atŭm hăm tơdrong hơtŏk păng sơđơ̆ng gah tơdrong ‘lơ̆ng, kơsô̆ tơmam drăm, rim hơp tak xah athei tơplih đon kơchĕng đơ̆ng pơm jang truh tơ̆ tĕch tơlĕch tơmam drăm.