Dak Lak tĕch tơlĕch cheh phe ‘lơ̆ng teh đak đe kiơ̆ trong tơpăt
Thứ sáu, 10:23, 07/07/2023
VOV/Thuem tơblơ̆
VOV/Thuem tơblơ̆
VOV4.Bahnar - Kŏng ti tĕch răt tơmam hăm teh đak đe 2-9 (Simexco Daklak) ‘nao jang đang tơdrong tăh hơmet ƀĕnh container tơmam cheh phe vă tĕch tơ̆ anih tĕch mơdro Nhật Bản.
‘Nâu jĭ tơmam cheh phe găr ‘lơ̆ng mă 2 đơ̆ng Việt Nam đei tĕch tơ̆ teh đak đe kiơ̆ trong tơpăt, đơ̆ng rŏng tơmam blŭng a lơ̆m sơnăm 2021 tơ̆ anih tĕch mơdro Châu Âu. Pơ đĭ 2 tơmam tă kơ đơ̆ng kŏng ti Simexco ngăl.
Hăm trăp hloh 19 tấn păng đei kơ jă hloh 120.000 USD, mĭnh tấn cheh phe âu đei kơ jă jô̆ păh lăp hloh 6.300 USD, lơ hloh đơ̆ng hơdrol truh dang ei, hloh vă jê̆ 5 ‘măng pơtêng hăm kơ jă cheh phe tơmam tơ̆ khei ‘năr dang ei. Kiơ̆ kơ Khŭl jang cheh phe Buôn Ma Thuột, 2023 jĭ sơnăm mă 5 Việt Nam pơgơ̆r pơm tơlĕch cheh phe ‘lơ̆ng păng kơ loăi cheh phe ‘lơ̆ng âu tŏk bŏk đei pơm tơlĕch tơ̆ 10 dêh char, tơmam sơnăm 2023 iŏk đei dang hloh 200 tấn, tĕch găh lơ tơ̆ dôm anih tĕch mơdro Mi, Italia, Nhật, Hàn Quốc.
Viết bình luận