Kơsô̆ găn măk ka dơnơm mă blŭng tĕch tơlĕch ăn teh đak Nhâ̆t đei hloh 6 tâ̆n đei pơtăm tơ̆ apŭng Krông Năng, dêh char Đăk Lăk.

Tơmam drăm âu hlôi găn ga lơ tơdrong hơlen đơ̆ng anih juăt jang kơ 2 teh đak găh hơlen kon char kơmar pơrăm, vei xơđơ̆ng rơgoh tơmam drăm, pơkăp 'nŭng păng hơdăh tơmam a hla chă. Pơma ăh jơ lêh, ƀok Lưu Văn Khôi, Kơdră Anih Kŏng thương dêh char Đăk Lăk ăn tơbăt, tơdrong mă găr Măk ka đei tĕch tơlĕch ăn teh đak Nhâ̆t pơih trong hiôk ăn kơloăi găr kăp gĭt âu kơ Đăk Lăk găh tĕch tơlĕch ăn dôm teh đak Châu Á păng apŭng plenh teh.