Ƀok Nguyễn Hoài Dương, Kơdră Anih jang găh Choh pơtăm, Hơtŏk tơring pơxĕl dêh char Đăk Lăk ăn tơbăt, tơdrong pơjing Jơnŭm jang sâu riêng Đăk Lăk hlôi tơlĕch lơ tơchơ̆t ăn tơmam drăm sâu riêng Đăk Lăk păng Việt Nam hơtŏk tơ-iung khei năr anô̆ anăp kơnh. Mă lei ƀơ̆t blŭng, Jơnŭm jang sâu riêng Đăk Lăk gô pơgơ̆r, hơvơn dôm anih vang jang tơlĕch dôm trong jang kih thuơ̆t vă tơgŭm bơngai jang băt hơdăh tơchơ̆t pơm jang păng pơm tơlĕch lơ tơmam drăm drơ̆ng minh găh um ai, tơdrong 'lơ̆ng vă pơjing đei tơdrong pran lơ̆m tơdrong tĕch tơlĕch. Đơ̆ng noh, đei trong hiôk pơm jang hadoi tĕch tơlĕch sâu riêng gơh ƀônh ƀŏ hloh, pơjing đei tơring tĕch hăm kơjă xơđơ̆ng ăn kon pơlei, bơngai jang, dar deh hơtŏk tơ-iung kơjăp pơjing đei tơring pơtăm kiơ̆ ƀlep pơkăp vă hơtŏka nih dơ̆ng tơgar tĕch tơlĕch kơ sâu riêng Đăk Lăk.