Kiơ̆ tơroi tơbăt tơ̆ hop akŏm, pơyan jang cheh phe âu ki, dêh char Dak Lak iŏk đei jô̆ pơhlom hloh 526.000 tấn, tŏk hloh 17.800 tấn pơtêng hăm pơyan jang hơdrol.

Truh dang ei, tơmam cheh phe Dak Lak hlôi tĕch tơlĕch truh tơ̆ 64 teh đak lơ̆m apŭng plĕnh teh. Lơ̆m noh, Nhật Bản hơnơ̆ng jing anih tĕch mơdro tih hloh kơ cheh phe Dak Lak. Sơnăm 2022, jên tĕch tơlĕch cheh phe tơ̆ teh đak đe kơ dêh char iŏk đei hloh 810 triệu USD, đei kơsô̆ 21% pơtêng hăm lơ̆m teh đak. Pơyan jang cheh phe 2022-2023, Dak Lak tơchĕng hơdrol vă tĕch tơlĕch tơ̆ teh đak đe dang 420.000 tấn cheh phe. Tơdrong jang đơ̆ng dêh char ưh kơ hơtŏk teh cheh phe mă vei sơđơ̆ng tơ̆ kơ sô̆ 204.000 hec ta, tơmam dang 526.000 tấn.