Tơ̆ jơ lêh, rim bơngai tang măt păng đe đoan viên hơdruh tơdăm Đăk Lăk hlôi pơtăm 80 tơm ‘long giă găm kơjung đơ̆ng 3m tŏk tơ̆ kơpal tơ̆ jăl trong kơsô̆ 1 păng kơsô̆ 2 lơ̆m Pơkăp jang Anih oei xa 'nao Thôn 1, xăh Hòa Thắng, pơlei tơm Buôn Ma thuột. 

Atŭm hăm kơ 'nôh pơtăm păng vei lăng tơm 'long jơk, Anih Choh jang xa păng Hơtŏk tơring pơxĕl Đăk Lăk pơkăl rim anih jang tơ̆ tơring jang atŭm đei jơnei jơnei pơkăp hơtŏk 'long bri Việt Nam jăl xơnăm 2021- 2030, xơkơ̆t truh xơnăm 2050. Lơ̆m noh, akŏm tơroi tơbăt hơtŏk hlôh vao đơ̆ng kon pơlei lơ̆m vei lăng bri, tơjră vă tang găn tơdrong koh phă, tơgar teh bri, pơm jang tơnăp tơdrong vei lăng bri, tơjră hăm hơyuh tô̆ 'mi tơplih, hơlen tơnăp tơdrong pơm 'mê̆ cham char păng hơmet pơ 'lơ̆ng cham char kiơ̆ rok 'long pơtăm, vei lăng 'long jơk.